HELLO！大家好！我返黎喇！ 其實都返左香港成個星期，不過由台灣返黎之後就病左，足足發燒發左成個星期 :( 所以而家先有時間同大家分享返戰利品! 我地今次酒店其實就係86小鋪隔離，所以一去到放低行李就即刻去行喇! 第一日就買左一枝好出名嘅Miss Hana眼線筆，聽講係防水防油仲非常long lasting!不過我就未試，試左再同大家分享！ 第二樣就係一枝1028嘅定妝水，因為我皮膚係好乾，所以基本上我平時化妝上完粉底都係噴一噴定妝水就算，粉都唔會上嘅，呢枝我已經開左黎試，我覺得係唔錯嘅，可以一試! 第三樣就係呢個杏仁酸MASK，我真係唔記得個牌子名，但係呢個係for美白嘅，不過杏仁酸有一定嘅刺激性，所以如果仲生緊暗瘡同石頭瘡我就唔建議去試喇，自從我醫好我嘅石頭瘡之後，皮膚亦都穩定返，而家已經好少再生任何暗瘡同石頭瘡，可以試多好多唔同嘅products, 所以大家都要努力! 第二日我就去左誠品，買左好少野咋! 首先買左一本書叫做《翻開心裡的回憶》，係一本好似幾米果種風格嘅書，有圖畫同有一D好有意思嘅文字，非常治癒心情，如果大家去書局見到，都一定要睇下! 第二樣有兩盒果個呢，係兩盒香水膏，我自己係好鍾意香水膏嘅，因為佢嘅味道比較持久，而且細細盒，帶出街同去旅行都非常方便! 第三樣就係喺薑心比心買嘅蜜桃薑味潤唇膏，其實我覺得無咩薑味，不過個桃味好清新。 最後就係去左又係好出名嘅阿原，阿原係一間賣天然護膚品嘅公司，佢最出名應該就係肥皂，我自己都買左兩個，佢D肥皂係可以用黎洗面洗身都得嘅，我已經開左一個用，實在係太！好！用！！！平時如果用肥皂，用完之後都會有好乾嘅感覺，但係呢個真係一D都唔乾，佢係有種清爽嘅感覺，而且仲好香，極力推介! 第三日係無買任何化妝品，只係去左家樂福買左好多好多熊寶貝，咩係熊寶貝？其實就係放入衣櫃令到你D衫香D嘅香氣袋同香氣噴霧，點解要買咁多？因為實在係太太太太太香喇！我係好鍾意自己D衫好香嘅人，所以就買左咁多喇，下次去台灣記得要買黎試，真係好好用！ 最後仲買左3盒保濕MASK，包括DR WU CAPSULE MASK，呢個好似係新嘅，據我所知香港係未有，我朋友話一定要試，我自己喺台灣果陣已經開左一盒試，係真係好保濕，個MASK亦都非常貼面，非常好用，我都有D後悔買得兩盒咁少！ 之後仲有一盒係森田藥妝嘅保濕MASK啦，佢嘅貼面度就無DR WU咁高，不為裡面嘅精華就真係好多好多，同埋保濕能力都係非常強，所以我都好推介嘅！ 第二樣就係好多人去台灣都會買嘅《寶島阿里山夠薑》，其實佢嘅功用就好似安美露咁，腰酸背痛用黎查嘅，因為我條腰之前整親，一落雨就痛，所以就買黎試下，我覺得係好用嘅，好似止痛效果比安美露好D，不過就唔算持久，但係都值得推介！ 最後呢樣我諗都唔需要多講啦，去台灣買SOFINA嘅BASE是常識吧，因為實在係太平喇！只係港幣＄70左右，用左之後個妝真係可以KEEP到全日，必買！！！ 今次台灣TRIP就係買左咁多野咋，其實真係唔多，因為日日都落雨，所以街都無咩心機行，而且我實在非常鍾意台灣，所以每年都最少去一次，所以就留返下次再買啦，今次就講住咁多先，希望大家會鐘意我呢個分享啦！:)
