多謝大家對我上一篇blog嘅支持，其實有人睇我已經好開心，因為我好明白不停生暗瘡係有幾辛苦，個人係有幾失落，所以我真心只係想分享我嘅心得，希望每個人都會有好嘅皮膚，重拾自信。 今日想講下如果真係生左暗瘡我會點處理，首先要記住就算粒有幾大幾痛幾痕都好，都千其唔好用手去摸，更加唔可以去吱，一定要忍住，什至去美容院針清其實都係無用，只係令到你留低嘅印更多，塊面會更花嫁! 當生無白頭嘅石頭瘡我有時會查含有sulfur同salicylic acid嘅暗瘡膏，包括好多人都聽過嘅mario badescu嘅drying lotion，但係我知道係香港係比較難搵，所以其實etude house嘅pink powder spot同origins嘅super spot remover都係有相同成份嫁! 不過salicylic acid其實係會令皮膚變乾，所以我都唔建議用得多，所以我就想分享一個我自己做嘅天然spot treatment，成份好簡單，只係需要一茶匙蜜糖同一茶匙肉桂粉， 只要將兩樣野mix埋就可以用黎做暗瘡膏，記住蜜糖要用raw honey, 如果你用manuka honey仲會有埋去印效果，不過價錢就會相對貴好多喇，通常我都會敷15分鐘就洗左去，不過其實如果你接受到蜜糖果種好痴立立嘅應覺，係可以查過夜嫁! 當石頭瘡出現白頭之後我就會即刻用3M嘅暗瘡貼貼住，通常我會夜晚沖完涼就貼，直到朝早起身洗面，你會發現暗瘡嘅分泌品會痴左出黎，呢個時候你可以用棉花點一點toner去清潔, 記住唔洗太大力嫁，至於toner我都係用自己做純天然嘅，下面我會講點做嫁。 不過記住呢款暗瘡貼係要對已經見到白頭嘅暗瘡先有效嫁! 但係真係好有效，只要你唔多手，有恆心去痴兩日左加，再大粒嘅都會消失得無影無縱! 我自已試過曼秀雷敦同類型嘅產品，我覺得係3M比較有用嘅，不過當然都可能因人而異啦！ 跟住我就想介紹我一款我自己做，對暗瘡非常有效嘅toner同mask喇, 兩樣野需要嘅野都係差唔多，你需要organic嘅apple cider vinegar, 綠茶, 糖, 同蜜糖。 首先講左個toner先, toner你係需要apple cider vinegar同綠茶, 我係用開呢個牌子嘅apple cider vinegar，我個人覺得最好用，係city super就可以買到，千其唔好用平時超級市場買嘅亨氏蘋果醋呀，因為係無用嫁! 做法就係將兩湯匙嘅綠茶 (要用茶包沖嘅綠茶，唔好用樽裝加左糖果D呀!)，加一湯匙嘅apple cider vinegar, 搞混，就可以用化裝棉當toner咁查上面嫁喇! 如果你皮膚係非常敏感，你亦都可以將比例變左3：1, 即係3湯匙綠茶加1湯匙apple cider vinegar。可以早晚用，但係由於味道真係唔係咁好聞，所以通常我都係夜晚先用嘅。 至於mask其實同toner做法都係一樣，只係加多一湯匙蜜糖，同普通沙糖，沙糖份量係除你鍾意，如果你鍾意磨沙多D，可以加多D糖，同頭先spot treatment一樣，如果你係用manuka honey，個mask係會有埋去印效果，將呢幾樣野加埋搞混，查上面，10分鐘左右，打圈按摩，因為加左沙糖，仲可以做埋磨沙嫁，用溫水洗乾淨，再查返岩岩個toner，然後查返保濕就得嫁喇! 今日就分享住咁多先，下次會再用大家分享多幾款我都覺得好用嘅自製MASK! 下星期我會去台灣，可能要停一個星期先打到blog，唔好意思，或者我會試下打旅遊blog，如果有興趣，可以留言俾我，希望大家支持啦同鍾意我呢篇blog啦! 多謝 :)
