「做人要有目標」細細個已經聽過呢句野, 但係有目標、有計劃係咪一定會做到? 「3分鐘熱度」係因為意志薄弱定係唔夠進取？ 好多人可能都會好似我咁, 典型既「3分鐘熱度」, 當然每一次事前準備都做到好足。就好似: 學結他一定要買結他, 結果結他塵已封。唔學結他咪學第二樣, 學ukulele, 結果每次拎起支ukulele都只係tune音。 壓力大, 梗係要填色減壓, 畫冊買左, 顏色筆買左。第一頁油左, 第二頁油左, 第三頁都油左, 第四頁呢? 成日坐, 不如做下運動。羽毛球? 跳繩? 跑步? 球拍買左, 繩買左, 波鞋買左, 咁幾時用? 無啦啦同屋企人一齊抽到居屋, 做左樓奴, 要儲下錢! 用APP mark數好似唔係好真實, 不如買本簿mark, 而家本簿去左邊? 其實究竟我係「3分鐘熱度」定純粹因為我係「天生購物狂」? 人大左, 就會明白「做人要有目標」真係好重要, 同埋真係好難做到! 不過凡事都要有第一步, 前幾日我終於著著對波鞋踏出左第一步。 好事黎既, 起碼暫時堅持左3日。目標1：健康d, 最好瘦d。目標2：儲錢成功。 #偽文青真波鞋 #每次我想算了 #彷彿聽到竊笑 #願到最後我知 #鍛鍊裡的意義
