曾經看過一篇文章， 大概是說不同年齡層會有著不一樣的夢想，不一樣的價值觀，不一樣的目標。 這些想法會隨人生閱歷而變得成熟。 剎眼間，離學生這個身份已差不多2年， 再次寫文章是有點吃力。 到這裡，我詞窮了。 其實我只想記錄我不同時期的想法再去對比一下。為什麼好像有點困難？ 我是否應該使用書面語？ :-? 還是轉用問答型式吧！ 1.）點解要開始寫BLOG？ 最主要都係想寫番低生活上嘅事情，就算老左都可以記得番。 原來打口語係易咁多？定係只係我習慣左用口語。 仲有另一個原因就係，我本身係一個冇乜條理嘅人， 希望透過寫BLOG改變呢方面嘅壞習慣。 再次覺得口語順好多。 2.）我兒家做緊嘅工作？ 我仲未搵到一份穩定嘅工，因為我好鍾意番唔同類型嘅工，去感受下。 呢幾個月就試緊做文員，雖然好自由，工作量唔多， 但好似有點兒浪費時間，冇乜挑戰性，人生好似失去意義咁。 講到咁，唔知有冇人咁諗 :evil: 呢條女仲唔係典型嘅港女？ 作為一個99%白羊座嘅人，我覺得自己真係好符合白羊嘅性格特徵， 喜歡自由，挑戰，講講講講講講，不斷講。 好少同人有交流嘅工始終唔太適合我。 3.）究竟你有冇諗過係做D咩工？ Em。。。。呢個問題。 我都幾三分鐘熱度下，所以好多行業我都有考慮過。 最記得細細個想做幼稚園老師，空姐，護士，化妝師。 呢D係我記得嘅。但前一排，有一個人同我講番原來我以前講過想做DANCER。 乜我真係有咁講過？ :roll: 再次認同記憶真係好易唔見。 無名氏先生都成日話我似金魚，因為得7秒記憶。 我心諗邊有咁少。 不過兒家都為著其中一方面努力中，遲D幾篇先再分享。 4.）咁你平時有咩消遣多？ 平時都鍾意係屋企坐下抖下諗野多， 因為我唔太鍾意熱，又唔太鍾意特登出到好遠， 除非係去旅行LA。 冇錯，我係一個好鍾意去旅行嘅人，係咪同平時好唔同呢。 所以未來都會講番D旅行經歷，希望我搵得番D相同記憶。 5.）有冇養寵物？ 2年前開始養左一隻POODLE，佢叫蕃薯大爺， 我成日都叫佢蕃蕃，蕃爺，呀蕃，FRANCIS， 最主要當然睇我心情LA， 不過佢好似都唔太識應我咁。 哈哈哈哈 遲D都會講多D佢，希望有其他BLOGGER可以同我一齊交流下養狗心得。 我好需要你地嘅幫助嫁。 :-P 今日都係打住咁多先，聽日開始就搵下D舊旅行相放上黎。Fighting！
