大家好！第一篇文章，我想同大家分享一下我人生中坐得最舒服既飛機座位，就係泰國航空(Thai Airways)既商務座位Business Class! 一向都坐經濟艙既我，因爲上年比國泰免費upgrade左去business class之後，開始對商務座位產生興趣，個種舒適既感覺真係一試難忘，但我知道價錢並唔平，所以一路都無機會坐多次~ 但機緣巧合底下，前排去泰國布吉玩，已經早半年開始計劃book野，本身打算搭廉航去就算~ 不過時間實在太唔吸引（大部分都是凌晨機），所以就係skyscanner找下其他航空公司，而我發現泰航價錢唔太貴，又由香港直飛（宜家要在曼谷轉機），所以決定坐泰航！經濟艙價錢好似係大約二三千蚊，而我好奇坐business class究竟要幾多錢，發現當時是大約五千幾蚊！呢個價錢坐business講真係相當之抵！（比大家參考下：國泰當時business class係七千蚊，泰航正常價錢大約六千零蚊） 意外中既驚喜！ 當時已book了機票，但有一日收到email通知我話泰航會係我出發去布吉前三個月開始取消由香港直飛布吉的航班，改由佢地既廉航Thai Smile營運~ 但Thai Smile無business class座位，所以被迫要係曼谷轉機，先飛到布吉！當時我有一下覺得唔係幾開心，浪費左D時間，但其實我係賺左，因爲即係賺多左一程飛機！仲要係坐得舒服既~ 好啦，可以入正題。 先比D資料大家： 香港--> 曼谷（商務座位）：機型波音777-300ER 商務座位排列：1-2-1 介紹座位之前，提提大家，坐商務客位係可以享用Thai Airways專屬既貴賓室Royal Orchid Lounge~ 我會在係另一篇文章同大家詳細介紹下~ 在機場check in時有business class專屬的櫃檯，唔需要排長龍~ 行李限額：40kg；有優先行李牌（到達布吉可以頭幾個就出你個行李先） 當然飛機已經一早停左係度，唔需要搭無人駕駛列車~ （真係好耐無試過唔洗搭） 商務乘客係可以優先登機~ 上到飛機坐低之後，當我忙碌於整理行李的時候，空姐就會開始派發濕毛巾同welcome drink~ 至於重點既座位特徵，就係非常寬闊既脚位(legroom)，可以完全伸直並抬高雙脚！如果坐長途機的話，一定好舒服！ 座位旁邊主要有兩個remote，下面個個係主要調較電視熒幕同埋顯示航班資料，而上面個個就有用D，就係調較座位角度！座背係可以由90度較到去180度（完全攤平），脚當然都係！所以基本上係變成一張床了~ 真係好似飛機上既酒店！座墊個人認爲軟硬度係中等偏硬，如果有野墊著會舒服D（長途機唔肯定有無提供）。張紫色被係有驚喜！比我想象中舒服好多，厚好多，軟綿綿而且夠暖~ 個人非常中意泰航既主題顔色---紫色，座位的配件亦襯托得好好~ 當然不少得大電視~ 是touch screen的大電視，唯一一個缺點就係當你訓左係度個陣要坐直個人先可以掂到個電視熒幕（懶人~~~）電影選擇也不錯，但沒有國泰那麽多，但短短的兩個多小時機程來講是非常足夠~ 電視熒幕下面仲有兩個USB插位，當然要一路叉電話啦~ 飛機餐方面，空姐會係起飛前問你想食咩，好似係餐廳甘落order~ 分別叫左紅咖喱雞飯（坐泰航必吃），同埋雞扒薯蓉~ 但最好味既，莫過於係上排中間個個---超厚芝士！本身唔係太中意芝士既我，都覺得非常之好味！ 所有食物係一次過用托盤上，但張枱係非常之大，所以唔洗擔心唔夠位~ 餐具和碗碟都唔係用塑料，反而經濟艙就係，其實用陶瓷碗碟餐具真係環保好多，應該全機都要甘做喔~ 食完之後睇一陣電影，訓左一陣覺話甘快就到左曼谷，係lounge hea左兩個鐘又上機向目的地布吉出發！呢程内陸機都係Thai Airways，機型A330，business class，會再係另一篇同大家分享！ 大家對於坐飛機有D咩心得都可以係下面留言一齊分享交流一下喔~ See you soon! 總評分： 座位：4/5 食物：3.5/5 服務：4/5 環境：3.5/5 性價比：4/5
