想不到第一篇BLOG竟然獻了給濟州島之旅 這個沒心理準備就出發了的旅程 (^(00)^) 可能自己一個旅行總會有很多怪念頭湧出來 ~~ 好,正題喇 v( ̄︶ ̄)y 因為一張hkexpress 既平機票,我就決定唔買行李, 只孭一個大背包,出發去濟州島~ 話明背包遊,今次唔會瘋狂掃貨(咁都有買小小野既 hehehe) 主要會去睇風景,而且都會搭市外同市內巴士出入, 因為小女子係唔識睇韓文既,岩哂都唔太識睇韓文既你參考下 (# ̄▽ ̄#) 而且濟州既巴士路線,連首爾人都會有小小睇唔明, 所以極度建議大家要有上網卡/wifi蛋 行程 首先,講一講今次行程 !!!ㄟ( ̄▽ ̄ㄟ) 要有心理準備哦~~ 小女子既旅遊態度係有dd懶,有dd遲起身,有dd唔中意趕景點( ̄▽ ̄)~* 寧願去唔哂景點,都要留時間返去抖下,之後求其食下野咁 haha~ 第一日 " 按此進入(◕‿◕) " 飛機香港(2:05am) --> 濟州 (6:20am) 汗蒸幕 (樂天桑拿) 訓晏覺 ( ̄o ̄) . z Z..... ( 原諒我飛凌晨機訓唔著 ) 逛逛新濟州市 第二日 按此進入(◕‿◕) 日出城峰 龍頭岩 第三日 萬丈窟 咸德海水浴場 第四日 中文觀光區 ( teddy bear 博物館, 天淵瀑布) 新羅免稅店 第五日 飛機 濟州(7:30am) --> 香港(9:30am) 支出 機票: $553 HKD (HKEXPRESS,$88平飛,不包行李) 住宿: $598 HKD / 平均每晚 $150 hkd (住係一間Guest House 既female shared room, 之後會介紹) 日常洗費: $1622HKD ( 包括大約 $600係買左小小手信同化妝品) 電話卡: $100 HKD (同以往一樣都係鴨察街買5日2.8GB 上網 $100HKD 上網速度好好, 上網睇片打機都無問題 Ψ( ̄∀ ̄)Ψ 一共 $2873 HKD (小女子屬窮遊人士, 除了晚餐其他都平食, 而且一個人食唔到咩貴野 〒.〒 ) 住宿 (網上圖片) 今次4晚都會住係新濟州市 一黎貪佢係中心位置方面出入 (離市外巴士站半小時車程) 二黎夜左都可以搵到好多野食,又有買野既地方 三黎因為自己一個人,又唔識韓文 唔敢住係山卡啦地方 XD 但如果下次去,我都會想試下住海邊 SORI GUEST HOUSE 2 位置係新濟州市既南邊 我揀左係同另外一個女仔 shared room 見到男女同房會仲平,但自己一個女仔唔敢貪平 :p 另外佢仲有獨立房同雙人房 依間就係我住既房喇*\(^_^)/* (網上圖片) 好: 1. 方便 - 附近好多巴士站 - 離機場15分鐘車程 - 附近都有幾多餐廳, 便利店, 面包店 2. 平 3. 都算乾淨 -最緊要係有獨立自己房既廁所 岩哂兩個女仔黎旅行平住(*'∀`*)♡ 4. 有廚房 同 可以自己整早餐 (但我每日都miss早餐) 廚房 壞: 1. 隔音麻麻地,會聽到格黎房講野 2. 夜晚可能10 點後人比較小同靜 (可能濟州邊度都係咁?ヽ(・∀・)ノ) SORI GUEST HOUSE 2 地址: 34, Yeonbuk-ro, 제주시 CJ, 南韓 電話:+82 10-9998-4912 出發前準備 其實都無咩好準備 haha 最緊要要有上網卡 同埋搵定機場去住宿既巴士 我就買左旅遊書,但最後作用不大 因為搭車都依賴 google map :D 待續 (๑˘ ₃˘๑)