之前見朋友去西環間Lex coffee試過杯print coffee☕️真係好靚好精緻,不過西環咁遠一直都未有機會去; 反而喺K11 Musea開既「Curator by Lex Cafe」 就腳又方便，今次帶埋QB去嘆個下午茶, 終於有機會試到依杯 #打印咖啡, 而且仲可以將我地個樣print埋上去，飲埋落肚，真係夠晒特別🤩 結合藝術與美食，入到去好似去左Art gallery咁, 四周洋溢着藝術感, 擺放左 #村上隆、#草間彌生、#奈良美智 三位日籍藝術家既作品，件件價值不菲，藝術既野我真係唔識，但同樣可感受藝術和美食結合。點擊圖片放大 🐙慢煮西班牙八爪魚慢煮左既八爪魚都仲幾生，保留左煙韌口感，配合沙律菜同特製醬汁都幾fresh, 作為前菜唔錯 🦐大蝦意粉即係香草茄醬linguine，簡單但係好fresh, 蕃茄味香甜唔酸，個扁意粉又夠岩岩好，唔會overcook, 有口感。大蝦已去殼食得方便，新鮮彈牙又鮮味，都幾好味。 🍓草莓榛子朱古力麵飽就係俾佢七彩繽紛嘅色彩吸引咗，於意式麵飽上加上榛子朱古力醬、棉花糖、新鮮草莓、鮮接骨木花、食用花等，完全就係一件藝術品，用來打咭就岩晒，作為下午茶甜品都幾清新又特別。 🍹飲品都係呢度嘅重點之一，我哋點左三杯特飲：☕️Astry Print Coffee作為signature coffee，梗係有佢嘅賣點，可以㨂圖片打印，亦可以AirDrop自己嘅相片比佢哋打印出嚟，飲品就有凍咖啡或者凍朱古力底可以揀。我就用咗我同Qb嘅合照去打印，整出嚟好精緻冇走樣，真係好得意又有紀念性，打咭一流。而我揀左朱古力比QB, 佢對於飲自己同媽媽落肚大感興奮😂 🍊繽紛橙香氣泡水即香橙梳打，咁繽紛既顏色係令人精神為之一振，飲落有清新橙香，味道偏淡，無糖漿既死甜，好解渇。🍵Green Tea Latte來到日系Art Gallery, 梗係要嘆返杯日式抹茶，回味下遊京都的點滴。茶與奶香調和融合，清甜又帶微澀回甘味，相當有水準。 融合藝術與美食，即使如我對藝術沒有太多研究，村上隆的彩色花花pattern總不會陌生🌸，破格又帶絢爛色彩的風格，帶給平凡日子一點繽紛色彩🌈。 =======================🔸CURATOR BY LEX ART CAFE🔸尖沙咀梳士巴利道18號 Victoria Dockside K11 Musea B113C號舖========================合作邀稿, 文章內容全屬真實分享及個人意見, 只供參考之用~聯絡合作和活動:Email: sherice_hy@yahoo.com.hkFacebook: Mini Bubble Corner❤Blogspot❤ ❤She.com❤ ❤mamibuy❤ ❤Beauty Exchange❤ ❤U Blog❤ ❤weshare❤ ❤Pixnet❤ ❤esdlife❤ ❤The Ztyle❤ ❤Oh!爸媽❤ ❤ 親子日常❤ ❤sundaykiss❤ ❤wordpress❤❤chef-diary❤ ❤cook1cook❤ ❤OpenRice❤
