近年每次去韓式餐廳食飯總會出現這一款菜式, 出面賣百幾二百蚊, 我就一於試下自己做唔做到. 今次作為聖誕大餐的其中一款主菜, 過程中出左少少問題, 就係原條豬肋骨未夠熟, 要再番焗一陣, 但之後再捲上芝士, 味道真的跟韓國食店的接近一模一樣. 至於成本嘛, 豬肋條約$40, 芝士$30, 加其他雜費, 其實一碟成本都要接近8-90大元, 但可以隨時隨地自家做, 大時大節宴客真係好鬼得體. 想平一點, 買一條條切好的金沙骨會化算一點, 亦比較易熟, 但今次想外型突出d, 所以我就原條肋骨醃和上枱 材料: 原條豬肋骨 1條 Mozzarella cheese 200-300g (不夠可加多點) 醃醬: 洋蔥 1/3個 蘋果 1/2個 醬油 5湯匙 白酒 4湯匙 蒜泥 2湯匙 韓國辣椒醬 2-3湯匙 蜂蜜 2湯匙 麻油 1湯匙 黑胡椒粉 2茶匙 鹽 2茶匙 做法: 1. 全部醃醬混合在一起 2. 放入攪拌機打碎變成醬料 3. 把肋骨放入密實袋, 然後倒入醃醬醃3小時以上, 醃過夜會更入味. 4. 取出豬肋骨, 慢火煎或烤熟兩邊. 5. 預備一平底鍋, 鋪上铝紙, 一邊鋪滿芝士碎, 一邊放上原條豬肋骨, 放在電池爐上, 吃之前用慢火煮溶芝士, 切開肋骨, 然後把芝士拉絲捲在燒肋骨上, 即可. 小貼士: - 選用溶點低的芝士較好, 拉絲更容易. - 芝士易燶, 煮溶後立即熄火, 然後快速捲在烤肋骨上, 放涼了就很難捲起. 聯絡合作和活動: email: sherice_hy@yahoo.com.hk Facebook: Mini Bubble Corner❤Blogspot❤ ❤The Ztyle❤ ❤She.com❤ ❤weshare❤ ❤Qooza❤ ❤UBeauty❤ ❤Pixnet❤ ❤Beauty Exchange❤ ❤Esdlife❤ ❤OpenRice❤ ❤博勢力❤ ❤mamibuy ❤ 張貼者： Hui Sherice 於 下午8:42 標籤： 食譜 - 多國菜篇, 食譜 - 節日篇
