以前細個落完坊，必定要去翠華食冬陰功雞肉米線！！之後失戀要約朋友去翠華傾通宵～ 大個咗嚟翠華，要有品味地嘆港式茶餐廳美食！ 而家翠華真係乜都有啊！食物水準及味道亦非常高！ 一食到好味嘅嘢食我就一定要配杯酒慢慢嘆～見到餐牌有酒精類飲品🤭除咗紅酒白酒之外，仲有香港手工 啤！今次叫咗宇宙之石煙熏味嘅香港手工啤！ 我要大推俾大家去配搭翠華茶餐廳嘅嘢食！超match！！！ 特別係翠華必食冬陰功蝦球米線！ 冬陰功湯底好有泰式風味，啲客同我隻拳頭側面一樣咁大！要咬三啖先食得晒一隻蝦！爽到爆😋 然後再叫咗海南文昌海南雞（油飯），有青紅蘿蔔粟米老火湯跟餐，我揀咗最健康嘅雞胸，有雞味好入味嗰啲基本嘢唔多提啦，但雞胸都可以咁嫩滑真係好少有！ 出街食飯最擔心係唔健康，但我見到翠華茶餐廳有勁多特式蔬菜選擇，我選擇咗個好健康嘅新鮮脆甜紅茄沙律（配意式油醋汁）夠晒養顏健康！ 出街食飯真係好少見可以有咁大隻蕃茄！片片都係厚切! 成隻手指咁厚喎！目測一碟有兩大隻蕃茄！抵到爛！！重點：新鮮脆口鮮茄味加上意大利黑醋係絕配! ！如果同啲friend嚟叫埋支紅酒，同埋鐵板燒牛扒，真係以為自己嘆緊西餐😂 翠華茶餐廳真係越嚟越有品味，連餐桌上面嘅鹽同黑椒都classy過人！ 選用咗手磨粉紅喜馬拉雅山鹽同埋手磨黑椒！ 真係夠晒健康👍🏻又有品味
