最近因為肺炎問題，好耐無同小朋友出去放電！咁岩係平日放假，就帶左小恩恩去啲遠離市區嘅地方行下～親親大自然(≧∇≦) （註：大家出門自己衡量返外出嘅風險，記得帶口罩同勤洗手！） 今次同小恩恩去左元朗睇草泥馬！之前一直都唔知原來香港係有草泥馬！！我個人覺得趁小朋友仲細，接觸多啲、見識多啲會有助佢地腦仔發展！所以我趁平日有假，就帶左佢去元朗見識下！ 呢個有機薈低碳農莊應該係我去過最易去嘅農莊！只需要係西鐵「錦上路」沿指示行5分鐘左右就會到。渣車人士附近都會有個大停車場可以停泊。 農莊入面除左草泥馬，仲有山羊、兔仔睇添架！場內亦都有好多遊樂場設施比小朋友玩！（入場費每位大人$100，3歲式以上小朋友$80，3歲以下免費） 當然重頭戲係睇草泥馬啦！每人只需額外$60就可以享有20分鐘親親草泥馬時間、同一份飼料ヽ(‘ ∇‘ )ノ （如果唔想加錢，都可以係圍欄外睇到草泥馬架）一見到佢地真係會好興奮！同埋會有小小驚，因為佢地真係好大隻XD 恩見到仲一度誤以為佢地係貓貓(〃▽〃) 如果想同草泥馬互動多啲，可以留意以下小貼士： 佢地唔鐘意人地企係後面，所以盡可能都要兜大圈咁行去佢地前面 女仔多數會乖啲，如果佢地坐定左可試坐佢地側面攬住佢條頸 飼養員有時會比機會大家幫佢梳毛，想試嘅朋友不妨可以大膽地問一問！ 雖然我都明見到會好興奮，不過都記得要互相尊重，唔好不停咁騷擾佢地啊(*•̀ᴗ•́*)و ̑̑ 園內仲會有夾公仔機，入面有好多草泥馬公仔，可能因為有膠袋入住，所以連平時都無抽獎運嘅恩爸夾左3次都已經夾到(≧▽≦) 後記：其實一家人去夾夾埋埋都有啲貴，因為除左睇草泥馬之外，真係無咩做～同埋好多workshop都需要再加錢先玩到，大家可以衡量一下先決定～ 地點：有機薈低碳農莊菠蘿園 入場費：$100/大人、$80/小童、3歲以下免費入場 親親草泥馬收費：$60/人頭 如果大家有咩疑問，都歡迎你哋可以inbox問我！ Facebook：https://www.facebook.com/90sMummy/ Instagram: https://www.instagram.com/minarainlo/
