#拍攝城堡另一最佳位置#練定selfie先好入園 #去廸士尼做足準備 Welcome back！相信呢句說話係唔少廸士尼粉絲嘅心聲 ·今次我哋選擇響樂園重開嘅第一個週六入園，可能大家都期待已久，今次相比起係上次樂園重開多人好好好多！·大家一入到園不約而同衝去城堡🏰打卡，不過今日大部分時間都唔見攝影師Joe哥哥，所以我哋無特別排隊去影。因為城堡外圍已經拆咗圍板，於是我哋就派出大小公主幫我哋窺探城堡嘅進度，大家響城堡外圍跳高都可以望到入面㗎 •拍攝城堡唔一定要影大頭正面，構圖都好重要。如果你想一張相可以有齊公主橋又有旋轉木馬襯托返城堡嘅夢幻，不妨參考吓post 內嘅圖片，詳細位置相信睇相就認到😉 ·玩到攰覺得肚仔餓，去大街餐廳惠顧兩份大街特色套餐或亞洲特色套餐，即可免費享用兒童餐一份😋由於米奇米妮同Pooh pooh戴唔到口罩😷，所以我哋要同佢哋影相要保持1.5米嘅社交距離。 不過我哋可以嚟個飛身擁抱或者遙距包剪揼，或者你睇吓Pooh Pooh 點同你一齊跳let it go 又得😂我發現樂園容許賓客同廸士尼朋友互動時間比以往相對長咗，不過疫情關係演藝人員現家係唔會幫你用手機影相，所以奉勸大家要練定selfie 喇 📸 •巡遊花絮➡️巡遊方面同上次安排差不多，棄用大型裝置花車轉用卡車式巡遊，相對拉近咗大家同廸士尼人物嘅距離，依舊一樣可以跟住巡遊隊尾一齊行。·今次樂園重開採取五天營運，室內表演全部暫停，大家想睇獅子王嘅就要等下啊🥺可能大家都等咗好耐，大部分機動遊戲都需要排隊輪侯，大家可以參考下我哋響星期六下午時間入園嘅大概輪侯時間如下：小飛象➡️20分鐘小小世界➡️10分鐘轉轉杯➡️5分鐘米奇幻想曲➡️10分鐘Winnie the Pooh ride ➡️20 分鐘彈弓狗ride ➡️20分鐘迴旋木馬➡️30分鐘💜溫馨提示：MA holder 最早可於入園前8日預約，請大家記得mark 低日子盡早預約，特別係weekend日子，通常一開放好快爆滿🤭
