因為要去Apple store 整電腦， 所以去咗一趟New Town Plaza 新城市廣場。唔知大家有無發現樓下以前嘅drop off 位唔同咗呢？ 原來呢個位翻新咗，搖身一變成為小朋友嘅kids corner , 入面有繪本讀物同埋一啲互動小遊戲，仲可以俾小朋友響平板電腦設計自己嘅太空船、火箭打印出嚟可以拎返屋企摺成3D小模型。 原來噚日大公主算好好彩可以印到自己嘅作品出嚟，本來呢個係一個好好嘅idea，可惜printer 可放嘅紙張有限又無職員響附近協助，今日再經過時聽到附近嘅家長講因為無紙，所以現家印出嚟嘅都唔知係邊段時間小朋友所創作嘅作品🤷🏻♀️ 令到在場唔少小朋友有啲失望🥺 閱讀corner 嘅位置設計好舒服，牆身有模仿月蝕嘅互動設計，亦有獨立嘅坐位空間俾小朋友自成一角慢慢睇書。架上有十數本國際得獎兒童科普書，連平時坐唔定睇書嘅大公主都吸引到佢拎本書坐定定咁睇。由於呢個位置附近鄰近食肆，如果有時一家人出外用餐需要輪侯入座嘅時候終於唔怕小朋友無耐性等位喇😅現家呢個商場終於可以有一個角落屬於小朋友嘅天地可以俾佢哋自行玩樂同閱讀。希望呢個小天地唔好咁快俾其他大人為等位食飯時入侵啦，因為今日第二次經過呢度時已經見到有啲大人因為等位食飯坐咗入去kids corner了😑設施需好，亦需大家自律❣️#MRsisterhood #makimoment #makievelynli #mimimomoma #runasofiali #玥柔每一天 #親子日常 #育兒日記 #happykids #親子好去處 #kidsfriendly #hkshoppingmall #親子共讀#steam #coolhkg #親子blogger
