話說我上個星期六日去左台北兩日，做左兩件我覺得好地道既事。 第一件事－騎機車 會合台灣朋友之後，諗住過去旅館放低d野，行行下佢突然停低，係成排機車中拎返自己果架 我第一時間：下，乜咁突然呀～？ 但其實，係我大驚少怪左 因為台灣人平均有百份之六十七都有機車。 高雄更加高達82%，係全世界之冠。 無論男係大叔衣著，定著西裝既，女係著裙，定著褲既 佢地都豪不顧忌地楂架綿羊仔係街到飛奔 台灣朋友說機車一定要用「騎」做動詞，而唔是「開」機車，動作上係唔同既 「騎」：兩手平排，「開」：兩手對著 雖然周街都有機車泊緊，但並唔代表隨街可以泊架 真係有人抄牌架喎！ 台灣人騎機車在等紅綠燈的時候好喜歡左穿右插扒到最前，無論路有多窄，總是會zip到最前等燈。所以去到台灣，都會見到最前係專比機車停既，唔好掙唔好掙。 呢種方法真係讓騎機車變得好方便，永遠走在最前線！ 等轉紅燈其間，仲可以casual到落車拎支水飲 點解台灣人咁鐘意以機車代步？皆因呢種交通工具又便宜，又快，又方便。 架機車唔使好靚仔好見得人，行得就得。我就喜歡呢種不爭世既態度。 好在平時都有坐開電單車，先可以一路坐，一路影相哈哈！
