素食大家會聯想起咩菜式？沙律？有冇想像過素食都可以有Fine Dining，而且菜式可以好多變～[Starter] • 香煎鵝肝配黑醋無花果 ($169)👍🏻素鵝肝用蘑菇製成，質地好似Mousse入口即溶，有驚喜～新鮮無花果有稍為加熱過，食落香甜黑醋酸甜溫醇，質地濃稠法包切薄片，烤到香脆整體配合得好好😆 • 普羅旺斯燉菜冷盤 ($169)神還原五星級大鼠入面最經典菜色用不同蔬菜薄片堆疊而成，真係功夫菜賣相好靚，蔬菜食落爽口加埋中間蕃茄醬一齊食好開胃 • 巴斯克小魷魚 ($149)用杏鮑菇整成魷魚圈形狀加入大蒜及蕃荽再以高溫香煎菇質感好爽，醬汁食落好creamy加埋檸檬汁食好清新如果食到辣既推介要加辣🌶[Soup] • 洋蔥湯 ($129)👍🏻熱辣辣嘅洋蔥湯真係dope！係濃縮左既洋蔥精華用焦糖化洋蔥煮出黎，所以好香濃洋蔥絲加埋芝士好夾，推～[Main Dish] • 威靈頓牛柳(18oz) ($489)👍🏻外層酥皮好酥脆，切出黎都好完整入面有純素煙肉、素鵝肝醬、素牛油加蘑菇碎中間牛柳用Impossible meat製成肉由於唔係一整舊，比較容易散開不過味道好還原，真係唔覺自己食緊素馬德拉醬汁有酒香，配埋食好解膩 • 寶雲酥羊架(9oz) ($289)用Impossible meat包住條木去烤素羊架造型以假亂真，好逼真食落邊位有少少脆，咬落帶香草香味伴菜係香滑薯蓉同烤小紅蘿蔔，幾新鮮但唔係好食得出開心果味 • 紙包魚 ($269)用檸檬、蒔蘿、茄汁配上大豆造植物魚柳，魚柳食落有少少蒟蒻口感醬汁酸酸地，令人特別有食慾餐廳七月份租約期滿，所以想試就要趁早預約😉 提提大家，有某款菜式要提早預訂先有架！Yau Veggie Bistro地址：新界荃灣白田壩街45號南豐紗廠1樓118號舖營業時間：星期一至日 1200 - 2200綜合評分環境：4.5/5食物：4/5衛生：4.5/5打卡指數：4/5CP值：4/5人均消費：$500 (晚市)想睇更多食評請Follow女乃花余🤗@milktea_foodie_good.west點擊圖片放大
