仲有幾日情人節，係咪仲頭痛緊有咩地方可以去慶祝？又想食下西餐，又想特別啲，坐得闊落啲又無限時？觀塘區呢間隱世上樓西餐廳滿足晒你咁多個願望！晚市套餐 $398/人【前菜】・西班牙鬆脆包，香蒜希臘芝士醬，油浸蕃茄，初榨橄欖油包比較硬身但表面係脆，芝士醬選用菲達芝士，軟滑得黎有蒜香，加埋車厘茄食都好match。 ・翠綠青沙律配香草芥未籽酒醋汁Salad賣相好靚，用左紅黃車厘茄，紅菜頭同軟芝士，呢個配搭食起黎酸甜鹹都有齊，好開胃。 ・泡沫烤南瓜湯🌟個湯size好似Espresso，飲落似濃縮左既南瓜精華，濃稠得黎又好香，同出面啲餐湯好唔同好特別，有心思！ 【主菜】・美國1855 安格斯肉眼牛扒 (10oz)(切片)五成熟肉眼上枱有鐵架同小蠟燭，好有儀式感。肉眼切面粉紅色，食落表面有煎香，肉質不過不失但有啲位係一大舊脂肪，味道正常好食但未去到驚豔。 ・牛油香草烤黃油大雞 (全隻)(切片)🌟雞皮好薄，烤完好似薯片咁香脆，肉質嫩滑而且好多肉汁，一啖咬落去外脆內嫩真係好有驚喜😍 全雞(1200g)咁大隻但都烤得好均勻，調味都控制得恰度好處，值得一試。 ・薯條 (任食)香辣薯條食落其實只係少少辣，連小編唔食得辣都食到，調味適中唔會過鹹，仲跟埋茄汁同沙律醬。 【飲品】・免費暢飲紅白酒🍷 (100分鐘)紅酒：2021 Rèmole Toscana白酒：2021 Barone Montalto - Pinot Grigio BIO兩款餐酒都係果香味為主，苦澀味無咁明顯，易入口，無飲開酒既朋友都會容易啲接受，配主菜食一流。 【甜品 - 額外單點】・火焰雪山 (含朗姆酒)($118)🌟軟綿綿既蛋白加埋濃郁酒味，好香既椰子雪糕同香蕉蛋糕中間夾左層朱古力脆脆，食落唔太甜但口感同味道都好有層次～ 加埋上枱既時候既火焰show，難怪好多枱都有點🔥 留意返，入座每人最低消費一個Set/Main Course。主菜份量都幾大，啱晒大胃王朋友仔😆 除左牛同雞，仲有魚可以揀。餐廳好闊落，坐得好舒服又無限時，情人節啱晒情侶慢慢坐低傾計談心❤NATA - Steak, Wine & Cocktail地址：觀塘巧明街107號國基集團中心4樓1號舖營業時間：1200 - 2200綜合評分環境：4.5/5食物：4.5/5衛生：4/5打卡指數：3.5/5CP值：4/5人均消費：$450 (晚市)想更多食評請Follow女乃花余🤗IG: milktea_foodie_good.west
