大家都知香港好少大嘅空間可以玩滑車/卡車,所以如果有機會去釜山,真係要試吓SKYLINE LUGE斜坡滑車! 去到可以即時買飛,價錢會按你想玩嘅次數而不同,個人覺得至少要玩3次😝 買完飛後就拎安全帽(由細到大碼都齊),之後就坐纜車上坡道起點!上緊去嘅時候除咗可以高空睇晒整個車道,仲可以見到旁邊嘅樂天ADVENTURE 園區!點擊圖片放大 上到起點時,第一次玩係會有導師教導同試試操作,方向速度操控簡單,而第一次玩係要走初級車道先,之後先可以行高級車道!我個人係比較鍾意刺激感,所以我直沖都無乜用brake😆 轉彎就可以有少少飄移感😆 而場外有洗手間、便利店、小食店,都好方便!附近仲有樂天世界、樂天百貨OUTLET等等,所以都可以以用大半/一整日!