每一次去旅行,都會好想比自己一個新體驗。 去台灣,唔一定淨係食既(食到你死都得啦 :lol:) 咁唔食啦,做偽文青啦!! NONONO!!! 比偽文青,更為有趣。 如果有睇過爸爸去哪兒大陸版,可能都知道多多同黃磊去台北既時候,有玩過吹玻璃。 冇錯,今次阿姐我就要去「吹.玻.璃」 --------------------------------------------------------------------------- 話說回來,究竟係邊吹呢? 其實就係位於誠品松菸館入面既坤水晶。 根據本旅遊書建議就話,市政府站一號出口或者國父記念館站都可以到, 我當時選擇左市政府站出,然後行去T_T 結果,行到我腳都斷。 --------------------------------------------------------------------------- 到啦到啦 誠品松菸館絕對係一個休閒好地方, 應該可以一次滿足哂,不同人既需要。 有品牌商店,有手信,有工藝,有食肆,有書局……… 旁邊仲有松山文創園區,有不同展覽。 岩哂D文青。 ↓呢一間係松菸館二樓其中一間可以比人做紙工藝既店 --------------------------------------------------------------------------- 講左太多廢話,坤水晶就係我今次目的地 ;-) ;-) 工地 :mrgreen: 一入去都熱熱地,一定要寬衣,可惜我入面件衫好醜,要頂硬上 8-) 不過,後期有返冷氣就好舒服! 我妹開始做先, 雖然見到係一名外國人,但佢係可以講中文的。 同時,都會有個本地職員協助你。 點擊圖片放大 +7 到我啦。 :mrgreen: :mrgreen: 老師好好的,一直會指導你 就算唔太明,職員都會再講多次,亦都會解釋點解需要呢個步驟。 而我地要做既步驟,都唔會太難。最主要既塑形係老師做,講真比我都唔敢整,一定無咩好結果 :lol: 但當然都有有挑戰地方, 我妹就覺得係吹氣部分,因為佢吹左好多下先得。 而我就覺得只係第一下吹比較難,大力d,之後就好容易吹。 我呢,就因為做心形柸口,要挑個形出泥,又要快又要準,好驚。 成個製作過程,經時30分鐘到。 點擊圖片放大 +7 真係好好玩! 入去之前,職員會比你選擇你想要既款式,形狀同花紋 店內會有樣板或者佢地facebook 專頁都有得睇。 價錢就$1200 台幣起跳到 我妹的製成品 我的製成品 :oops: 我地total 用左$2900 台幣, 價錢非常合理,香港應該都未必做得到。 而其實做完都根本會唔捨得用。 同埋,記住,全個松菸館消費滿$3000 台幣係可以退稅的, 但一定要有PASSPORT 同入台證, 我就係忘記左帶張入台證就蝕左T_T 而你既作品隔一日就可以拎, 或者你好搭水既,可以選擇寄。 哈哈!!同有一件lucky 野就係我, 最後一日旅程,去拎我隻柸, 見到王力宏係個度拍mv (雖然我唔係中意佢,但點都係明星) --------------------------------------------------------------------------- 頭先,都講過松菸館旁邊就係松山文創園區, 個陣時舉行緊幾個展覽:迪士尼90週年展、snoopy、Lego………… 而之後好似會有7龍珠。 當時,我都有plan 睇disney 展,可惜人太多,就留個倩影算。 --------------------------------------------------------------------------- 到走既時候,我地就醒啦,唔再行舊路。 一來好x遠,二來我唔識行XD 所以最明智係跟人走.......... 跟著台北大巨蛋一直走.. 去旅行,除左玩樂,認識一個地方人情,就係最有價值既地方。 建設背後,利益背後,發展背後, 又會傷害幾多人文人情人心呢? 平衡公平發展談何容易! 點擊圖片放大 而行大概十分鐘,就會見到國父記念館站5號出口。 明明快好多,旅遊書係不能盡信心!! :evil: