前言: 有睇開mifmi文嘅朋友都知, 我係天生卷髮, 拉直, 染髮覺到D頭髮好似稻草, 近期唯有放棄一樣先, 咁就無再拉直啦. 嘩呢個獅子頭真係唔出得街見人, 正當我痛苦地想辦法之際, 行行吓街見到amika counter D 職員叫我埋去玩吓, 免費試造型咁話, 我又唔趕時間, 玩吓囉, 髮型師三二下手勢就SET咗個好靚嘅頭出呢, 我真係好BUY, 好想買, 但係1480喎, 真係好貴, 敗唔落手, 再加上你話唔傷頭髮啫, 我唔係好信喎, 我係想買嘅, 因為我真係有咁嘅需要, 所以我決定返屋企洗頭, 等乾, 睇吓髮尾有冇旱先決定性買唔買. 因為mifmi屋企有同類型SET頭器, 但係係好傷頭髮, 一用D頭髮就爆晒, 跟本唔可以用, 為咗吸取教訓, 點都要忍吓. 頭髮乾咗無咩事喎, 好決定敗返屋企. 日日都有用落嚟嘅評論 (7 Nov 2011買): 1. 好處: A. 永久保養, 俾168蚊就可以換全新造型器, 不限次數. B. 提供一年免費無限次SET頭, 教你SET唔同款嘅髮型. C. SET 完頭可以KEEP到成日, 係無用任何定型物品, 好正, 我早上8點SET頭到夜晚10點個髮型仲有係度, 我對呢樣最滿意. D. 用咗遠紅外線 & 100%電氣石咁先進嘅科技下咁究竟有冇傷頭髮, 我老實講"會", 但係係少少, 傷係髮尾度會變得旱D, 但係係會自己復完返(做完焗油 or 停一日無SET)就會好返, 咁同同類產品比傷害度應該係最少, 仲有我搽完佢送個枝sample仔, 再夾頭髮就唔覺得有爆嘅情況. E. 可以拉直, 卷曲, 因為handmade 所以每次SET嘅頭都會有少少唔同, 日日唔同款又得, 變化好豐富, 好好玩. F. 部機熱得好快, 係你分好髮量setions時已經用得, 唔洗等. 2. 缺點: A. 始終對髮尾有傷害 B. 要SET完一個靚靚頭都要20分鐘以上, 如果好趕時間就做唔到, 一定要預時間出嚟做呢樣嘢. C. 佢配套嘅hair products太貴, 一枝serum 30ML要5百幾蚊, 想買嚟保護髮尾都唔得(覺得佢哋好大貪) 總結: 我個人係有咁嘅需要先買, 大家要衡量下先作決定. 喜歡嘅請推薦 & 留言, 多謝 !!! 桃紅色好女性, 印度豹紋好野 隨盒送2隻髮夾, set 頭時好有用架 送價值2百幾蚊嘅holder, 用料係防熱嘅, 咁就唔怕周圍擺時辣燶D嘢 繼續送價值2百幾蚊嘅防熱墊, 呢個超正, 係for旅行用, 當你早上set好頭要即刻pack好行李走人時, 個styler仲係熱辣辣就擺入呢個墊入面, 完全可以隔熱, 快速, 方便, 正!!! ... amika: 淨係係香港做緊終生保養咋 1480價值包送2件accessories價值500蚊, 同一年無限次去counter set頭 SET 頭要用嘅嘢係晒度 開機, 有得選擇温度 送嘅sample仔, 搽係髮尾 少少份量就夠啦 次試, SET 得麻麻 無技術, 好怪 但係SET好兩邊又覺得OK 大家覺得點呀 ??? 化埋裝, 去街啦 好似都唔錯喎 !!!
