原因: 點解我要脫咗粒墨, 除咗美觀原來我有一個對我嚟講仲家緊要嘅原因, 細細個就聽老人家講生係嘴嘅墨對婚姻唔好, 但係又因 為聽人講話係有食福嘅墨, 之後上網查又話係招是非, 口不擇言之墨. 都唔知邊樣真. 最後因為有親戚同我有類似嘅墨, 而佢嘅婚姻唔好, 我又結咗婚無幾耐, 都覺得唔係好順, 以防患於未然嘅心態同朋友一齊去脫墨. 事前網上搜查: 脫 墨嘅方法有幾種, 1. 用香燒(古代人嘅方法, E架無人用), 2. 電筆 --- 最平, 一般價格為50 ~ 100不等, 視乎店舖規模及有冇跟進服務, 3. 激光脫墨 --- 最有效及安全, 創傷亦能減至最低, 價格由墨嘅大細, 位置及平或凸起來定, 由350起, 4. 二氧化碳激光脫墨 --- 聲稱為最新科技, 因為在皮膚下去除色素, 不會令皮膚出血, 同樣價格由墨嘅大細, 位置及平或凸起來定, 由1000起. 選擇激光嘅原因: 我都好想無傷口, 唔會出血, 但係第一, 實在太貴, 第二, 佢話做完後皮膚表面係會有個凹位, 第三, 我做完資料搜集後發現, 好似我粒墨超過2MM, 凸起, 生係顯眼位置要成4000以上, 個間診所最平收費係600一粒, 而二氧化碳激光脫墨最平係1000, 咁樣比較咪要6000一粒. 我即刻打消念頭, 因為我冇咁多錢. 脫墨過程: 卦號, 排隊等候, 見醫生聽取價錢及風險, 夫麻醉膏, 等半個鐘, 打麻醉針(好痛), 做激光脫墨(好快15分鐘搞掂), 貼膠布帶口罩走得. 2000蚊包見醫生, 用激光機脫墨, 消炎藥及胃藥, 仲有如果之後有問題要見醫生係免費跟進嘅, 而三粒墨嘅位置, 一粒係眼肚下1MM平, 一粒係嘴唇上3MM凸起, 一粒係背部較大4~5MM凸起, 一共二仟我覺得合理所以先脫. 食藥: 過程係辛苦嘅, 因為我唔鐘意食藥, 二來一定要食晒D消炎藥, 有壓力, 第三, 我自己都戒口唔食辣同深色素嘅食物. 傷口明顯好得快, 我亦好乖每日用酒精洗傷口二次. 效果: no pain no gain, 我滿意, 雖然個傷口有少少凹, 但係是避免唔到, 因為粒墨係圓形, 陷咗落肉到, 係要成粒起咗佢. 但無咗黑色素, 整個係粉紅色嘅嘴我都好buy. 醫生係英國皮膚科碩士, 我都有信心D 醫生話食消炎藥, 傷口會埋得靚D, 效果果然好好多 !!! 我無白食到, yeah !!! 胃藥同消炎藥一齊食, 保護個胃 做完脫墨第二日, 傷口已結醮 由於眼部個粒墨細粒, 所以第五日醮已甩咗, 有少少印同凹陷位 第七日, 嘴唇個粒亦甩咗醮, 有少少深粉紅色同向下凹陷 傷口變成一條線, 好似眼紋咁! 第十日, 變成淺粉紅色, 凹陷位無咁明顯了! 嚟一張大對比, 我粒墨係黑色, 3MM, 少少凸起
