今次得到SA SA的試用, 是韓國醫學美容權威Dr.G嘅水凝保濕卸妝潔膚水, 令mifmi有機會一試"一take過"一個動作便有落妝, 潔膚, 保濕嘅效果. 雖然話Dr.G係韓國總統夫人及明星嘅大愛, 但mifmi最想知嘅係我喜歡的Park Bom係唔係都係用佢. 登!登!登! 請登場 Hydra Intensive Cleansing Water HK$180 / 210ml 特點: 1. 9無 (無香料, 無酒精, 無色素, 無基因改造成份, 無BHT防腐劑, 無動物成份, 無矽, 等等) 2. 可同時清潔彩妝, 污垢, 並保持肌膚表面保持水份 3. 主要成份為辣木樹萃取物, 植物複合物, 植物精華等, 性質温和, 適合敏感肌膚使用 化個彩妝, 測試吓Dr.G嘅卸妝功效先 卸眼妝, 將倒滿卸妝水嘅棉花乎上眼部, 印一印, 睇吓效果........ 眉gel, 眼影, mascara, 通通帶走, 勁 !!! 卸粉底 & 胭脂, 將倒滿卸妝水嘅棉花輕輕抺去妝容, 毛孔馬上在呼吸, 因為毛孔內的污垢也被清除掉, 潔淨力很高呢! mifmi係慳妹, 整個彩妝只用了二塊卸妝棉, 物盡其用, 一樣卸得好乾淨, 而且用後肌膚是水水的, 充滿彈性......不錯呵! 總結用後感: 因為係卸妝水, 卸妝後立即有清爽嘅感覺, feel到毛孔在呼吸, 潔淨力十分強, 保濕度高可以直接搽保養品,過程變得簡單, 真正係一take過. 大大枝好襟用呢, 有成210 ml架 ! 保質都好長, 可以慢慢用lu! 花心的mifmi計算了一下價格, 平均比現在使用中的只貴了 HK$0.2/ ml, 哈哈!!! 花心唔係男人嘅專利嚟架.
