以下呢款產品係mifmi嘅終極護髮寶貝, 誠意介紹俾大家, 100%係自費, 亦係100%好用 NUXE 嘅晶亮全效護理油, 100ml, HK$252 佢可以搽係身體嘅任何部份, 吸收快又唔笠痴痴. 用途真係十分之廣泛: (簡單D講"係邊度乾就搽邊度") 1. 搽主婦手, 現在咁乾, 咁凍嘅天氣, 媽媽們要做家務真係好幸苦, 手指頭皮膚爆開出血, (帶手套好唔就手), 臨訓前用咁搽係患處, 好快就好返, 以後用佢嚟保護雙手, 就可以同主婦手講bye bye. 2. 搽係特別乾燥嘅位置, 例如甩皮嘅地方, 又或者腳爭位, 佢可以軟化角質層, 迅速滋潤皮膚. 3. mifmi越來越貪靚, 最近用HK$1480買咗amika: SET頭, 外表睇係會靚好多, 但係帶俾頭髮嘅傷害亦都大好多, 重災區係髮尾. mifmi好有定力, 就算amika:嘅serum做promotion我都無買, 因為五百幾實在太貴.......但係SET慣咗, 唔SET真係唔想出街, 就算唔捲卷都要拉直D先見人, 好快髮尾就變得乾, 旱, 爆. 我哋平時會幫面部搽好多保養品(精華素, 面霜, 防曬, 等等), 好多時都會忽略頭髮嘅護理, 我覺得NUXE嘅晶亮全效護理油就係頭髮嘅精華素, 俾營養頭髮, 滋養佢, 咁頭髮先會靚同健康. mifmi 用過之後極力推薦, 買NUXE油用, 一定好過你去upgrade你嘅洗頭水同護髮素.... 第一, NUXE直接搽係髮尾, 係集中滋潤髮尾, 不會造成髮根油膩(但係轉用更貴嘅洗頭水就可能因為太潤, 又唔係焗部使用而造成髮根油, 髮尾乾) 第二, 轉洗髮用品又要試, 未必一試就啱, 會浪費金錢同時間. NUXE嘅噴嘴設計容易掌握分量 話就話係油, 但係一D都唔笠, 好易推開, 仲十分容易吸收 睇吓效果先, (留意髮尾) 未用之前, 髮尾係甲咋腳 用後得到NUXE油嘅滋養, 直返晒 mifmi嘅大愛用品(護髮寶貝), 向大家大推呵 !!!
