分享完護膚篇之後，到 Primavista 底妝篇。 首先就係於夏天大受歡迎嘅 Primavista Long Keep Base SPF20 PA++， 高度防汗水，防皮脂配方，能長久保持零油光的妝容， 保濕成份洋甘菊精華，控油之餘不會導致肌膚乾燥。 其實我平時無用開 base 嘅習慣，通常搽完防曬就會直接上粉餅， 因為一直覺得 base 係多餘嘅東西，只會加重肌膚負擔。 但一到夏天我 T-Zone 位置就好易出油，跟住個妝就會慢慢開始浮， 自從用過 Long Keep Base 之後，我開始對 base 改觀了！ Long Keep Base 質感很輕盈透薄，不會令皮膚覺得焗促，而且伸延性好好，容易推開。 帶有淡淡嘅粉紅色，塗於面上後，可以令面色變得自然明亮，透明感即時 Up！ 不得不讚嘅係 Long Keep Base 嘅控油效果非常好！用後 T-Zone 位置出油情況有明顯改善！ 但又不會感到乾燥，控油之餘兼具保濕功效，仲可令隨後嘅妝容更貼服持久！ 好似星期三熱到 33 度，烈日當空，萬里無雲，曬到以為自己番左去澳洲， 平時一定出油出到可以煎蛋，T-Zone 位置個妝溶到甩咁制！ 估唔到用左 Long Keep Base 後，竟然竟然只係出左好少油！個妝完全無少少想溶嘅跡象！ 持久嘅程度簡直令我驚訝！比起沒有使用有好大分別！ 果然係名副其實嘅「Long Keep Base」！I am already addicted to it !!! 保濕度：★★★★★ 持久度：★★★★★ 清爽度：★★★★★ 貼服度：★★★★★ 搽完 base 之後，就到今年 3月剛推出嘅 Primavista Liquid Foundation UV SPF25 PA++， 採用了能提升上妝效果嘅「順滑持久啫喱配方」，即使在睡眠不足，生理期前後等不易上妝嘅日子， 都能在肌膚上柔滑伸延，均勻緊貼肌膚。 高度保濕及防止皮脂配方，不會導致肌膚乾燥，持續10小時不脫妝，不變色。 顏色方面共 7 色，我揀左 OC05 自然色。 粉底液經過改良後果然有驚喜! 採用左「順滑持久啫喱配方」，質感比上一代更柔滑貼服 ！ 而且伸延性極高，可輕易於肌膚上順滑地推開。 附送專用粉撲及盒仔，粉撲密度很高，配合粉底液使用，可令妝容更貼服自然！ 粉底液標榜「即使在睡眠不足，生理期前後等不易上妝的日子，都能塑造明亮柔滑的美麗肌膚」， 咁當然要測試下佢嘅真確性！適逢今個星期剛好經期，加上幾晚唔夠訓，肌膚質數夠晒差， 係一個非常好嘅機會去試一試粉底液到底係咪咁 work！ 第一，要讚好嘅地方係，粉底液真係可以「於肌膚上柔滑伸延，均勻緊貼肌膚」，而且完全不卡粉。 第二，當中嘅亮顏粉體可以令膚色不均勻嘅地方變得不明顯，令妝容自然明亮有光澤。 上妝後，膚色明顯光亮左，妝感透亮自然，而且一點都唔厚重，完全睇唔出我係處於經期同睡眠不足嘅狀態！ 第三，同樣係熱爆嘅星期三，由早上11 點直到黃昏6 點，竟然 keep 到持久不溶妝，不脫妝！ 而且亦無變色，無變暗！面上毫無焗促嘅感覺，反而係清爽，舒適，不乾燥！ 阿女仲話我嘅皮膚比平時睇落更滑呢！ P.S. 全日都無補過妝㗎！ 保濕度：★★★★★ 持久度：★★★★★ 清爽度：★★★★★ 貼服度：★★★★★ 原來真係可以全年 365 日都可以擁有明亮柔滑嘅美麗肌膚， 我終於搵到適合我嘅夏日底妝孖寶！Thanks Sofina！
