唔知大家有無諗過，每天早晚潔面兩次，不知不覺一年裡面累積嘅潔面次數原來已經達 730 次！ 如果方法不當或使用唔適合嘅潔面產品，除左會令肌膚變得乾燥，緊繃之外， 仲會令角質層內嘅滋潤流失，加速肌膚老化！ 所以潔面係護膚嘅第一步，亦係最重要嘅一步！ 今次好開心有機會出席 Sofina 舉辦「夏日美肌護理工作坊」， 除左可以率先體驗即將於 5月1 日推出嘅新產品【咕O臣潔面泡泡 Enriched Foam Cleanser】外， 仲可以試試剛推出嘅 【Primavista 柔亮持久粉底液】。 見到 Jenny 沐浴於恍如忌廉般嘅潔面泡泡中，真係非常吸引！急不及待好想快D 試下！ 工作坊開始前，先做個簡單嘅肌膚測試，測試顯示我嘅肌紋，毛孔及膚色不均指數都有 3 粒星， 結果算唔錯，但肌紋方面可以再改善多D，所以BA 建議我多做面部按摩，提昇肌紋狀態及透明感。 跟住 Sofina 嘅 Marketing Director ，Josephine 為我地介紹 Sofina 歷年嘅「潔面歷史」， 及新產品【咕O臣潔面泡泡】嘅特點。 仲即場示範如何利用專利起泡網打出豐盈有彈性嘅潔面泡泡。 之後仲做左一個小實驗，左邊係【咕O臣潔面泡泡】，右邊係另一品牌嘅潔面泡沫： 1. 首先將一個一元硬幣放在【咕O臣潔面泡泡】上，硬幣竟然無沉落去！ 2. 再將一元硬幣放在另一品牌嘅潔面泡沫上，相都未影得切，硬幣就已經沉左落底。 實驗證明【咕O臣潔面泡泡】嘅泡沫綿密程度極高，而且結實有彈性， 潔面時可於肌膚表面形成咕O臣 mask，避免指尖與肌膚摩擦造成嘅傷害。 再試於手上睇下感覺如何？滑到簡直就好似蛋糕上面嘅忌廉一樣!!! 又軟又滑!!! 真係從來無試過一隻潔面泡泡可以做到呢個效果!!! 過水後皮膚清爽乾淨之餘又唔會繃緊，仲 feel 到好滑添! 十個讚呀!!! 試完潔面泡泡後，BA 即場為我地試上最新嘅【Primavista 柔亮持久粉底液】及選擇適合自己嘅顏色。 粉底液經過改良後果然有驚喜! 採用左「順滑持久啫喱配方」，伸延性極高，而且比上一代更柔滑！ 顏色方面共 7 色，OC03 及 OC05 都屬於自然嘅顏色，BA 話其實兩隻都啱我用， 但我自己就覺得 OC05 睇落自然D，OC03 明顯偏白左少少，所以最後就揀左 OC05。 先睹為快 Aube 2012 春夏限量彩妝，當中我最鍾意眼影盒嘅設計，真係好靚！ 工作坊正式開始，由日本遠道而來嘅井上老師分享夏日美肌護膚 tips， 及親身示範【咕O臣潔面泡泡】嘅製作技巧。 井上老師提醒我地，夏日肌膚三大敵：冷氣，紫外線及汗。 當我地出汗時，除左會流失肌膚內嘅滋潤成份外，仲會令細胞膨脹，肌膚容易受到刺激， 而且紫外線會更易穿透肌膚低層，導致肌膚老化。 所以我地要好好保護肌膚，例如抹汗時要用紙巾吸走，避免用力過到按壓； 唔好直接靠近冷氣風，以免肌膚水份蒸發。 開冷氣時，盡量提高室內濕度，例如開放濕機，或放置一杯清水等； 而紫外線除左會導致及加速肌膚老化外，仲會加深毛孔四周嘅色素， 所以切記切記一年 365 日都要搽防曬及選擇優良合適嘅防曬產品！ 潔面時要使用具彈力及綿密嘅泡沫，不要過份用力，先可以保持肌紋維持完美嘅狀態。 之後由 Marketing Director ，Josephine 分享日本嘅潔面趨勢及潔面嘅重要性。 Josephine 強調潔面係護膚嘅第一步，亦係最重要嘅一步！ 所以 Sofina 成功研發採用「淨化鎖水科技 SPT」嘅【咕O臣潔面泡泡】，能徹底吸走皮脂污垢時， 潔面成分不會滲透到角質層，守護肌膚原有嘅滋潤，保持肌膚弱酸性。 而且【咕O臣潔面泡泡】蘊含豐富保濕抗老化精華，用後不感乾燥蹦緊，感覺滋潤潔淨。 連續使用 4 星期，肌膚乾紋得到改善，變得光滑有彈性。 最後由 Marketing 嘅 Julia 介紹 Primavista 一系列嘅底妝產品及 Aube 春夏限量彩妝。 Primavista 自推出以來，屢獲殊榮，去年仲榮獲日本@Cosme 最暢銷化妝品獎！ Aube 即將於 5 月推出 2012 春夏限量彩妝包括 4色彩形持久水感唇膏及兩款彩形明眸眼影組合。 經過一論咁詳盡嘅講解後，井上老師為我地示範正確塗抹及使用護膚品 / 粉底嘅手勢。 由於食指嘅力度係最大，所以塗抹護膚品時，只需使用中指及無名指，而且力度要輕，避免拉扯肌膚。 方向則是由下而上，由內而外，不要忘記眼角及嘴邊等位置。 每塗抹產品後，可輕輕按壓肌膚，加強產品滲透力，令肌膚更快吸收。 大會更準備左一系列嘅美白產品及 Primavista 底妝產品俾我地邊看示範邊實習。 點擊圖片放大 最後 Sofina 送上一套 4 件嘅護膚及底妝產品，包括： 咕O臣潔面泡泡 ，Beaute 美白抗老化防曬乳液SPF50+，Primavista 柔亮持久粉底液，持久控油底霜 第二日已經急不及待開黎用！期待十日後再同大家分享。 Thanks Sofina!!!
