今早入了一間似係明星常會光顧的餃子店. 牆上見到很多明星相+簽名. 價錢比較貴, 但味道就不及我地之前食過的普通餃子店. 這個係韓式湯年糕, 口感硬硬, 我地只食了一半就放棄了. 今早再去石村湖影櫻花..........可惜係..........過半花瓣已落, 有一半樹已經變回綠色了. 只有湖中心有櫻花可見 櫻花隧道亦變回綠色 有點失望行完石村湖, 於是入去樂天的 food court 食 lunch. 這裡食品種類多, 味道亦唔錯 食完飯就入去樂天超市買下野, 雖然見到洗頭水平過香港很多, 但很容易令行李過磅, 所以不考慮買. 我地買左唔係好多野 (total 137,360 won = hk$1032). 只需一個細細的紙箱就裝好. 這個係蜜糖紅蔘片 38500 won (hk$289) 這個人氣香蕉奶味道真的唔錯, 唔怪之得係人氣商品啦 買完野先返回酒店放下. 就出發去弦大行下. 原來我地在弦大無影過相, 只係影了在後街發現的 hello kitty cafe. 弦大購物街好似好長, 但有點雜亂感, 而且行幾間店就有一間開大喇叭, 有點嘈. 我地見到有間全牛烤肉店有很多本地學生食, 收費 15000 won / 人, 終是入去試下. 我地揀的有齊牛腸, 牛腩, 牛腎. 看似好大盤, 點知烤烤就會縮水, 可食的份量不是太多 好彩有個湯, 唔係我仲以為連菜都要烤熟先有得食 食完這個餐只有半飽, 但餐牌內已經無咩野有興趣加單再叫. 仲以為首爾通街都有炸啤食, 點知行完成個弘大只有一間, 仲要大排長龍. 於是決定撤退回酒店, 我地酒店樓下都有一間炸啤. 大小姐 & 魚生平時係唔飲酒的, 不過 "星星" 太熱, 無理由唔試一下. 首爾的啤酒出奇地易入口, 平時飲半杯已經不想飲的我地, 不知不覺已經飲晒了. 這個炸雞雖然話係炸, 但仍然保持嫩滑, 唔乾身, 仲保留到肉汁, 好好食呀 !
