今早行了很遠才找到這間蒸餃食店. 因為食了2日烏冬+紫菜卷, 係時候轉轉口味. 這間味道很好, 價錢亦唔貴 今早去景福宮 (景福宮站5號出口), 去到入口見到很多團, 仲怕入到去很多人. 原來所有團只去睇完勤政殿就走人. 真係好, 入到去池園就無咩人. 可以靜靜地慢慢行. 除了櫻花, 仲可以睇到桃花 這棵櫻花樹很大 原本天色灰灰暗暗, 點知一行到去池園就出了陽光. 嘩.......影出來好似月曆相 旅行最開心係.........無啦啦有人自動請纓幫我地影合照. 這張相係一個幾靚仔嘅外國人主動走過來幫我地影的. 再行入去就見到行宮, 得小貓幾隻, 很享受地慢慢行 有陽光, 影花仔都可以十分上鏡 這種白櫻開得很靚 這個秋水芙蓉樓很特別 剛好有攝製隊在拍攝, model 應該年紀很細, 樣子很可愛 點擊圖片放大 行到2點幾, 係時候去食 lunch. 我地只需要落番地鐵站行去 2號出口就可以找到土俗村人蔘雞. 我地出了地鐵站行行下轉入了小街, 所以兜兜轉轉行了很多冤枉路. 應該跟其他 blogger 寫的一樣, 出了地鐵站一路直行5 mins 左右直到見到轉角位間 GS25 便利店才轉入去. 可能我地閒日來, 而且成3點了, 唔駛排隊就有得食. 原來入面很大, 很多間房, 有很多位 我地叫了培養根蔘雞湯 & 培養根烏雞湯. 湯又熱, 雞又嫩. 真的好好味! 最好食係任你食嘅蘿蔔, 很爽口的! 之後去北村韓屋村, 去到安國站下車. 車站出口有張地圖標示出詢問處位置. 找詢問處無咩難度, 只係去到問完路, 攞了地圖, 按佢嘅指示找韓屋村位置. 行行下終於找到 (由山下街口詢問處向山上方向沿右手面直行上去再轉加就找到什麼韓屋藝術館).........但在這幾條街內總係找不到旅遊書常常見到的街景. 於是沿路行番出去原本大街馬路, 再睇睇張地圖, 原來旅遊書常見的地方係在的對面再行入去才會找到的. 這裡就係常常在旅遊書見到的街景. (其實應該由山下街口詢問處開始, 沿左手面馬路行上去再轉入去, 行15分鐘左右就會找到) 這幾張就係右手面馬路找到的韓屋, 行到入去韓屋村入面先見到穿紅色衫的旅遊大使. 我地有點奇怪, 為什麼他們不站在出面街口指引遊客, 識得行到入去就唔駛問你啦. 有些韓屋已經變身為餐廳 行完韓屋村太累了, 於是返回酒店附近的 Lotte Fitin 商場入面 food court 揀了其中一間越南餐廳食飯. 點解揀佢 ??? 係因為佢寫住 "歡迎中國遊客, 全單8折" 所以就揀左佢. 落單前佢要睇 passport, 我仲以為佢只係睇下國籍就算, 點知佢仲要 check 下入境日期. 好認真呢 ! 這個 set 很抵食, 折左後 28000 won (hk$210) 個餐仲包了這個牛河 Lotte Fitin 商場頂樓新開左一間明星精品店. 我對店內嘅韓星組合完全唔識. 但意外地發現, 佢有個露台可以行出去. 這裡影巨蛋係十分之正的. 因為之前幾日不停行, 雙腳不停投訴, 所以必須去做一下按摩. 我們找了一間在我地酒店斜對面馬路 (在轉角漢堡包店再行入少少), 這間 "中國傳統足". 其實第一次入去信心不大, 所以只揀了做腳底按摩 20000 won (40 mins). 點知效果出奇地好, 按完雙腳立即唔痛. 終是我地決定過兩晚去做全身按摩. 這間按摩店真的值得推介. 老闆娘們全是中國人, 用國語溝通就可以. 而且手藝真的是一流. 大家不防去試一下. 行程 Day 1 ~ 香港 - 仁川機場 - 東大門 Day 2 ~ 汝矣島輪中路 - 鷺梁津水產市場 - 石村湖公園 Day 3 ~ 慶熙大學 - 南山塔 - 明洞 Day 4 ~ 景福宮 - 土俗村人蔘雞 - 北村韓屋村 Day 5 ~ 再去汝矣島 - 梨花女子大學 - 仁寺洞旅遊中心韓服體驗 - 回基站 Goto Mall Day 6 ~ 再去石村湖公園 - 樂天超市 - 弘大 Day 7 ~ 樂天世界 Day 8 ~ 東大門 - 香港
