乙支路夜晚搵食係無難度, 但是......早餐就比較棘手. 想找間似食早餐的食店唔多, 咩意思呢 ? 因為佢地夜晚賣燒腩肉, 早餐都係賣燒腩肉的. 晨早流流食韓式燒烤 ? 唔係掛 ?? 我地要行到對面街, 才找到一間似番D早餐應該食嘅野............... 在首爾, 餐餐都很好食. 普普通通一個紫菜卷, 紫菜又脆又香. 這個質數, 我在香港所謂韓國街都食唔到. 真的很難整咩 ? 為何在首爾就好食, 香港食極都食唔到呢 ? 點擊圖片放大 食完早餐, 就出發去汝矣島睇櫻花. 出發前得知4月1日開始, 輪中路櫻花已盛開. 所以第1天就立即去睇櫻花, 怕過多幾天, 花落後會無得睇. 結果, 真的如我地估計一樣. 這天可以見到櫻花盛開. 我地過幾天都有再去汝矣島再賞櫻, 可惜, 真的落了六, 七成. 完全是兩回事....... 我地去國會議事堂站 6號出口, 行5分鐘左右就到. 因為知道議事堂這裡的花開得最多最密. 所以無揀在汝矣島站落車. 早上11點左右充就到, 時間早, 人比較少. 而且去到先知道櫻花祭有封路安排, 我地可以在路中心慢慢賞櫻. 點擊圖片放大 中午過後, 太陽伯伯開始發力. 由8度左右上升到十幾度. 溫差都幾大. 輪中路很長, 慢慢行來回都行了2粒鐘左右. 而且中午開始櫻花祭有表演, 人開始多. 我地決定撤退食 lunch. 鷺梁津與汝矣島很近. 於是決定去食海鮮.鷺梁津比想像中大, 但間間賣嘅海產其實都差不多. 佢地無標明價錢, 要間間去格價實在頭痛. 我地相反地, 先上2樓去找加工店. 我地找了有名氣嘅 "皇帝飯店'. 佢地有識講普通話嘅阿姐, 溝通無問題. 阿姐有講解收費, 但我都係一知半解. 佢大概意思係, 你地2個人, 應該只有4-6樣野要加工 (因為未知我地揀咩海鮮, 佢只係估算), 你預加工費係幾多幾多啦 ! 我見收費算合理, 所以就跟佢去其中一間海產店揀海鮮. 這間就係我地買野嘅海產店. 我地只揀了一些韓國海產. 因為有很多海產其實都係入口, 不是韓國捕獲, 特別係大蝦, 大蟹. 入口價比起香港仲貴, 山長水遠來到, 無理由食仲貴過香港嘅俄羅斯入口蟹吧. 這個叫海波羅, 價錢唔貴, 可以一試 有睇過 "星星" 應該知道佢就係千頒伊食嘅海腸. 這些一串串原來係帶子, 尺寸真的很大 海參. 這個真的不要試, 不論係刺身定熟食. 口感都非常硬. 很難咬開的. 仲有價錢唔平, 我地試完都有點後悔. 原本店內有已經切好嘅雜錦魚片刺身, 但老闆娘話不如我地揀成條的左口魚, 即場切片做刺身. 這會新鮮一點. 我地當然明白, 佢想做多點生意, 已切好嘅魚片好似只需 HK$1XX, 成條魚就要兩佰多. 但亦理解到, 魚片唔知幾時切好, 又唔知放了幾耐. 價錢相差唔係太多, 就聽佢講揀了一條最細嘅左口魚做刺身. 入口的長腳蟹, 我地無問價錢. 因為之前見其他 blogger 寫價錢不平, 如果無心買, 不問為好. 免得老闆咬實不放 這些都係香港常見的大蝦, 要食不如返香港. 因為香港煮法比韓國多樣化 買完野, 就坐定定等野食吧. 地方潔淨光亮, 只係坐得耐腳仔比較辛苦. 左口魚刺身, 估唔到切出來都幾大碟, 2個人食唔晒, 食了大半刺身, 就將餘下的放湯熟食才食得完. 不過, 新鮮切出來的魚片, 口感爽脆, 真的唔錯. 切完出來的魚頭, 魚骨煮了一個海帶魚湯 (忘了影相) 這個係帶子, 估不到佢地用切片來炒. 再三諗下, 這樣大粒的帶子, 如果唔切片, 真的唔知點處理好. 雖然已經切片, 但是可能真係太大隻, 口感比較有咬口, 感覺馬馬地 八爪魚刺身, 口感爽爽地, 不妨試下 這碟雜錦刺身有海參, 海腸, 海波羅. 在三樣刺身中, 我最喜愛係海腸, 難怪千頒伊都叫都教授去買來食啦 !! 海產價錢合共85000 (HK$ 640) (有些細數真的忘記了, 只係記得大約數寫番出來) 八爪魚 (1隻大) 5000 左口魚 (1條) 27000 海參 (1條大, 1條細) 20000 海腸 (5條) 10000 海波羅 (2個) 5000 帶子 (1串) 18000 加工費收了 23000 (HK$173) 食完野, 都4點左右. 決定去石村湖公園睇夜櫻. 石村湖其實就在樂天世界出面. 我地會路過樂天百貨, 入面處處都見到都教授, 原來佢係代言人. 唔怪之得無處不在啦 ! 點擊圖片放大 去到石村湖已經6點左右, 天開始暗. 影櫻花有點難度. 於是決定入去商場食 dinner 就離開. 原本諗住過2天再來影花, 點知過幾天再來時, 全部櫻花都落下了. 第一次去睇, 成個石村湖畔都係櫻花, 誰知道過2天全部變回綠色的櫻花樹呢 返到去酒店附近的 LOTTE FITIN 商場, 估不到又見到都教授. 而且這是天天返酒店必經之路, 真的天天都見到佢.......HO ~ HO ~ HO 行程 Day 1 ~ 香港 - 仁川機場 - 東大門 Day 2 ~ 汝矣島輪中路 - 鷺梁津水產市場 - 石村湖公園 Day 3 ~ 慶熙大學 - 南山塔 - 明洞 Day 4 ~ 景福宮 - 土俗村人蔘雞 - 北村韓屋村 Day 5 ~ 再去汝矣島 - 梨花女子大學 - 仁寺洞旅遊中心韓服體驗 - 回基站 Goto Mall Day 6 ~ 再去石村湖公園 - 樂天超市 - 弘大 Day 7 ~ 樂天世界 Day 8 ~ 東大門 - 香港
