yahoo blog 累積瀏覽 554 今早特登早起床, 睇下會唔會見到日山.......但係多雲, 勉強見到小小啦 民宿嘅體貼不單只在dinner, 佢地連早餐都想得周到, 見我們食了兩天的西式早餐, 今早幫我換了中式 食完早餐, 8.30 出車去青青草原 我們來清境嘅目的都係為左數綿羊..........咩.........咩........ 去青青草原一定要去山上的入口, 這樣可以較輕鬆由山上行到山下 閒日入場費 NT80/p 9am 到達, 一入場已經睇到咩咩周圍走, 環境又像仙境, 如果草地未轉黃就更加一流 之前幾天都儲了很多 NT10 大餅......就係為了你 - "自動售糧機" 自動售糧機有2種, 這種機比上面的盒裝機種買到的會多一點點 買了糧之後, 咩咩就會聽晒你話.........Ka ~ Ka ~ Ka ~ 點擊圖片放大 原本閒日係沒有脫衣秀, 但我地托 "瘋"台灣的靚女主持 Janet 來拍攝嘅鴻福, 所以今天農場特別開show...............開心死啦 脫衣show其實不是太吸引, 最好睇是狗狗以3秒3的速度趕羊, 而且完show, 所有農場的咩咩都集結一齊..........問你攞野食.......好好玩架 點擊圖片放大 +4 在農場內只有細細的小食店, 而且價錢貴, 午飯我們只食了粟米及豆干. 玩了一整天, 又累又餓, 要撤退醫肚 見到 "步步高陛" 就知道點解個個都在山上的入口, 而不會揀由山下向上行了 走完了步步高陞, 就見到了一些小食店, 價錢平而且好食. 我們叫了什錦湯麵, 山豬湯, 炒龍鬚菜, total 只係 NT260. 在清境一定要試試當地的豬肉, 因為豬皮爽脆彈牙......香港食唔到架 點擊圖片放大 +3 回程順路經過 7-11, 見到藍天白雲, 如果一早有咁好天就更加 perfect 啦 由維也納民宿向下走, 會見到一間外型極靚嘅民宿, 而且前面有空地可比人停留影相......真係唔好錯過 影影下, 又再次巧遇 "瘋台灣" 靚女主持 Janet, 今次有機會叫佢合照啦...... Ha ~ Ha ~ 其實佢地同行嘅攝製隊仲有個靚仔主持, 但唔知點解當時無叫佢影相......返來很後悔 ! 今晚係平安夜, 仲以為今晚會有西餐食應應節, 但最後都只同昨晚差不多的3餸1湯.........有點點失望 今晚我地轉左去間靚房(蜜月房 NT2920/n), 因為我地原先間房比 4 pair 香港人預先 book 左, 唔緊要啦, 豪番晚啦 ! 入到房都覺得應該豪一豪, 因為大好多, 而且新好多 ! 明天就要回歸啦, 要收拾一下行李了 ~