yahoo blog 累積瀏覽 1050 日月潭 - (文武廟 - 水里 - 玄光寺 - 拉魯島 - 慈恩塔) 因為昨天有點暈車, 所以無打算晨早起床睇日出, 起身時太陽已經出來了 (之後幾天都很後悔, 因為今個trip得今天係有機會睇到日出, 之後幾天都多雲) 清境大部的民宿都面向東方而建, 所以很多房間都以晨曦作招徠, 我地住的房都不例外, 如果晚上唔關上窗簾, 在床上都可以看到日出 7.30 am 食個活力早餐 魚生平時會讓出沙律給我食 (因為佢唔多喜歡食生冷嘢), 但係.......今次........唔出聲就兩三下食晒所有沙律菜, 後來才知道, 我們在民宿食的所有菜都出自林先生的有機農場, 連奇異果都係佢地自己種............真係好耐未食過有甜味有菜味的菜啦, 唔同香港食的所謂有機嘢, 真係好味好多啞......... 晨早心情好.....睇到民宿樣樣擺設都很可愛 8 am 出發去日月潭, 清境出發半粒鐘就已經到埔里, 再加半粒鐘就到日月潭. 到達日月潭, 我估氣溫應該有17-18度左右, 一點都唔似冬天 文武廟比我想像中靚, 而且仲 keep 得很 colorful 點擊圖片放大 +5 在文武廟外遠望日月潭 去完文武廟, 林生就車我們到水社碼頭, 因為今天是平日, 遊人不多, 原本要等齊人才開船, 但有位婆婆就話照收 NT 300/p 都可以立即開船. 但開左船後, 婆婆就游說多遊2個景點, 收費 NT1000/boat (原本NT1500/boat). 其實我們興趣不大, 只是見她一把年紀, 就順順她吧. 點擊圖片放大 多遊之景點 1 - 水里 (只是在湖中間的一個捕魚設備, 而且唔係比我們上去睇下, 只係遠望了一眼) 多遊之景點 2 - 玄光寺 到達玄光寺碼頭, 有條樓梯行上去, 但後來發現, 林生之後駕車都會經過, 所以............婆婆.......我們真係明益你的 ! 點擊圖片放大 去完玄光寺就上番船去日月潭的中央 - 拉魯島 成個船程玩了大約1粒鐘就返回碼頭. 之後就出發去慈恩塔, 上塔的路不是很遠, 只係行570公尺之嗎...............不過, 已經係兩小口子成年的行山總數了 點擊圖片放大 好似行左成20-30分鐘才到達, 到了剛剛係正午時候, 太陽很猛 點擊圖片放大 +5 雖然行到無晒氣, 但上到塔頂就咩辛苦都唔記得了 點擊圖片放大
