yahoo blog 累積瀏覽 189 10 Sep 2009 在機場食個飽飽 dinner 後就坐俄羅斯航空 SU594 (CX 9249) 飛去莫斯科....... .......要成 10-11粒機程, 希望瞓到啦 ! 俄航宵夜無傳聞般難食, 可能是 Made in Hong Kong, 難食極都有底線吧 ! 但最差係飛左成1粒鐘先開始有冷氣, 有大大隻的外國人, 焗到頂唔順, 要空姐比冰水佢降溫. 其實我都唔係好理解, 點解要成個鐘先開冷氣比人, 機司唔知咁樣會焗死人咩. 瞓下, 醒下, 再瞓下, 又醒下, 9粒半鐘後終於到啦 (早了1粒鐘) 因為實在早了太多, 到步後司機仲未到達, 我地仲有大把時間遊下, 影下. 第一次感受到俄羅斯係無咩國際 feel, 成個機場想睇下多隻英文字都無 一到莫斯科, 就殺去最出名的紅場啦. 這裡溫差很大, 我們剛出機場應該只得10-11度, 去到紅場仲係凍冰冰, 但太陽慢慢發力, 之後就只需穿件短袖 T-shirt, 真係玩死人 ! 未入紅場, 外圍花園 (亞歷山大公園) 已經非常靚啦 ! 點擊圖片放大 +2 聖巴索大教堂, 我來啦 ! 因為 timing 問題, 背光得非常利害, 好彩後期可以 tune 番好佢嘅 color, 數碼真係個偉大發明 ! 點擊圖片放大 警報大鼓鐘 列寧墓 歷史博物館 點擊圖片放大 金百貨商場 這個商場非富則貴, 唔係 "肚臍", "飛甩雞毛" 就係 ............. 邊個話俄羅斯窮 ! 點擊圖片放大 +3 在紅場逗留約2粒鐘, 行行下開始無力, 原來已經係香港時間下午 3-4點啦, 仲未食 lunch, 餓到肚仔扁晒啦. 好彩留起了飛機早餐的餅乾, 頂住下 ! lunch 前再加遊一個耶穌救世主教堂, 天氣晴朗, 心情加倍開朗 ! 點擊圖片放大 +2 回望之前去的紅場, 原來很近
