yahoo blog 累積瀏覽 112 在未出發去俄羅斯前, 已在網上 search 一番, 知道那裡小偷橫行, 處處偕是, 而且手法快, 狠, 準! 最常見的方法是佢來向你兜售書本, 將書本放到你心口位置, 目的是阻擋你嘅視線, 以便佢地幾個人在你下方開包包. 我們團友第一位中招地點在地鐵站內, 小姐可能年紀輕, 經驗淺, 她帶了個很 "潮" 的小手袋, 手袋只有一粒磁石, 開蓋後係無拉錬的. 老實講, 我係小偷都會睇中她, 因為她的小手袋有如大開中門, 做你生意已經成功了一半, 只要再加上熟練手法, 十拿九穩啦 ! 至於另一位出事團友發生在冬宮內, 團友看上都係旅行經驗豐富之人, 但都中了招, 你可以估都小偷係幾神速吧. 用的手法聽講都係兜售, 但利害在於他得手後, 仲幫他的包包關上拉錬, 而且仲拾起銀包交還給他, 說是見他掉了的. 你可以稱他盜亦有道吧, 只取了現金, 其他不取. 但我就覺得在境點內都包庇佢地存在, 實在無法無天. 我亦在睇馬戲的中場休息時段遇上小偷, 但這個小偷真的很小, 睇他只有7/8歲, 他竟然一手拿著爆谷, 一手來光顧我. 我已經知道馬戲場內他們密集, 所以全程將包包放在身前, 但他仍然膽大來開我的. 老實講, 我真的沒有為意小偷會是這樣小, 所以他走來時我都留意不到, 當我 feel 到個包包被人動一動我才見到佢食著爆谷閃開. 幸運的是, 他點都估不到我個包包做了手腳, 他在一秒半秒內是開不到的 ..........哈 ! 哈 ! 哈 ! 好啦, 分享一下我對付他們的小把戲啦 ! 今次我帶去的小包包, 剛好搭帶扣可以穿著拉錬頭, 所以有 lock 住的效果 至於魚生的小包包, 我們都特別配了小型攀山扣, 亦都係想 lock 住包包 廣告成日都教, 他們取易不取難, 雖然我們自己開小包包取東西時都會唔方便, 但這個對付小賊的小把戲真係 work 架! 當我遇上小賊後, 回到坐位立即通知團友要加倍小心, 離場時, 我們特別待人潮散去大部份才動身, 以免他們人多好辦事. 而且, 女士們仲特別將包包收於外套內, 扮上大肚婆才出去, 這樣就萬無一失啦 ! 另外, 我們仲發現他們在場內用對講機通訊, 找 target. 在我們前一行的不遠處, 魚生發現有個小男孩經常轉頭望住我方, 開頭以為他好奇, 可能係 "八" 下外國人講什麼, 但再三留意下, 帶著佢好似爸爸的人, 經常用對講機通訊, 視線不在馬戲場上, 而是留意人群中, 在離場時更加明顯, 正常人應該睇著地下樓梯, 以免差錯, 但他們倆仔爺的視線係包包, 所以要記住, 唔好以為自己很聰明會睇得出/防得到小賊, 他們有時真的神出鬼沒, 以不同造型在你身邊出現 !
