yahoo blog 累積瀏覽 863 食完 lunch, 就向山上的獨立風車屋 (風車博物館) 出發. 起點位於 Taxi Square. 看似好近, 但原來揀錯路就會變得很遠. 在 Taxi Square 有3條小路上山, 我們就揀錯了, 原本10分鐘不用就到步, 足足花了多一倍時間. 之前見有網友寫開放時間是下午 4-7, 誰知道到步見到寫住 17:00-19:00. 哎呀, 在希臘打工真係好, 每天工作2小時, 無法啦, 只好在門外影影就算吧 ! 這個風車屋不夠昨天海邊的壯觀. 但居高臨下, 看看這個白屋小島仍然是心曠神怡 ! 點擊圖片放大 由山上落去, 途中除了民宿, 還有很多民居. 落去一條直路, 不用10分鐘已經到, 但上山時就兜兜轉轉, 轉到頭到暈 ! 有無見過樹上新鮮無花果呢 ?? 平時就食得多, 這裡處處都會見到無花果樹. 無花果就知係咩樣, 咁無花果花呢 ?? 你見過未 ??? 再一次回到海旁, 感受一下應該有3號風球的風力 點擊圖片放大 +2 在 Mykonos, 除了風車屋, 必定要去的是棉花教堂 睇得出它是棉花教堂的背面嗎 ?? 棉花教堂側, 有一條通去海邊的秘道. 原來走出去, 又是一番美景. 千萬勿錯過呀 ! 哈哈........誰估到無意之間又巧遇島主. 島主真係識炭, 揀了一個又好風, 又唔曬的一角睡睡. 不是有團友仔提點, 佢坐定定真係睇佢唔到呀 ! 島主見慣人, 亦不怕人. 但不代表你可以去攪佢. 影下相無防, 但對它毛手毛腳島主係會反抗的 行了一天, 兩小口子已經很累, 成身汗. 決定回酒店取毛巾, 跳落去 Orons Beach 游一游, 感受一下冰凍海水. 沙灘上坐椅原本要收錢的, 但是我們到達已經6點, 沙灘上大部份泳客已經撤退, 估計連收錢的一齊走晒, 所以我們可以免費享用 原來愛琴海的海水係咁清爽 .....................短短落水游了1分鐘, 上水後完全好似沖完涼一樣, 全身清爽. 再加上涼風陣陣, 游完後所有疲勞都全消 旅行社安排我地今晚在海邊餐廳食飯, 經過昨晚其他團友食過之後, 今晚差不多個個都出走. 我地點解回來食 ?? 係因為餐廳就在 Orons Beach 裡, 游完水唔想行, 咪入去食飯囉. 點知.........早知連今餐都自己食 餐廳環境係就唔錯, 但是出品就..................必令你失望 前菜先來炸翠玉瓜, 炸芝士, 炸腸仔, 仲有好似糉仔嘅物體, 但post出來實在影響胃口. 所以忘記吧. 主菜呢 .........每人2串烤肉 (硬實實的好有咬口) + 半碟薯條..........哎........真係唔明, 估計此餐都唔係特別便宜, 為何旅行社安排總令人失望呢 ??
