yahoo blog 累積瀏覽 1303 在 Santorini 過了2晚之後, 今日就要同佢講 bye bye. 真係有點不捨得. 今天坐中午船去 Mykonos, 所以朝早食完早餐後還有時間多看這間酒店幾眼. 依依不捨地影呀.....影呀....... 點擊圖片放大 +3 如果有國際車牌, 可以在 Santorini 租這種電單車周圍去. 價錢好似唔貴, 只是我們怕車多, 山路不好行, 所以我們都只係坐巴士就算了. 由 Santorini 去 Mykonos 船程 3小時. 今次都係坐上次一樣的 Seajet, 一樣都係坐樓上後排. 一樣都是無冷氣一般. 瞓了又瞓才到步 不太明白為什麼康X要安排先去 Santorini, 之後才去 Mykonos. 係人都知道, 應該先去 Mykonos, 這樣才會愈行愈開心. 但是, 無啦啦將行程倒轉. 你知道我們的落差有幾大 ?? 我不是話 Mykonos 不吸引, 而係對比起 Santorini 的外觀及地勢. Mykonos 總是會比下去. 由於 lunch hour 時間正正在船上, 所以我們都是食前一晚買定的麵包充飢. 我們大約4點落船後又累, 又肚餓. 雖然說旅行社已經安排了晚餐在8點左右, 但是我們一於少理. 先醫飽個肚仔先算. 一行到去海旁見到有很多餐廳, 有位非常漂亮的女侍應出來介紹, 而且話這個牛排 steak 唔錯, 我們見價錢不貴, 就決定一試. 我們揀了這間 Music Cafe, 味道唔錯, 新鮮熱辣辣.......好食 ! Beef Steak EUR13 Sword Fish EUR14.5 Ice Tea Peach EUR3.8 Ice Tea Lemon EUR3.8 Total EUR35.1 點擊圖片放大 +2 食飽後充滿 power 的我們, 第一時間感受一下愛琴海的海水. 海水清澈見底, 但海水曬了足足1日仍是冰凍的. 這裡就是 Mykonos 的 Taxi Square. 我們來之前已經做了一些 research, 知道有這個廣場存在, 但最奇怪的是, 我們的領隊自稱已經來過希臘幾次, 問佢 Taxi Square 在那裡, 他就支吾以對. 問他獨立風車屋在那裡, 又係答不知道, 只係答我好似在山上. 圖中所見, 獨立風車屋就在 Taxi Square 行上去就是. 現在跟團不可能再依賴領隊, 遇著這個似知道又什麼都不太清楚的人, 都係要靠自己. 在 Mykonos 行入橫街, 行行下就會迷路. 好彩黃昏時候我們仍可以睇太陽方向來走出迷宮. 如果入黑了, 就不知要行幾耐才可以走出來 點擊圖片放大 這間餐廳我很喜歡, 諗住明天一定來試試. 可惜第2日就始終都找不到它. 在 Mykonos, 我真的好似 P 仔 (路痴) 一般. 完全認不到路 我們就是依靠太陽伯伯才走出迷宮 走出來後就是出名的小威尼斯. 風景雖美, 但是風很強勁. 很佩服各位客人可以坐定定, 風浪這麼大, 吹到頭痛之餘而且久不久就成面海水. 舒服與否, 真係見人見智. 黃昏將至, 我們一於少理領隊叫我們回去食飯. 一來剛剛我們才食得飽飽, 二來就是無啦啦坐巴士回去食他安排的晚餐. 那我們明天又要特登預時間坐巴士出來看日落, 是有點浪費時間. 所以, 我們決定再一次不回去食飯 (第2日, 各位團友通知我地, 我們無返去食晚餐的決定是十分正確)...... 我們在風車屋前面做了幾個有趣 post, 唔知係咪外國人無咁多古靈精怪諗頭呢 ??? 佢見到我們就以奇怪的眼光又看又笑. 點擊圖片放大 +4 睇完黃昏, 雖然今天沒有七色彩霞, 但是入夜後風車屋是會亮燈的. 亮燈後又會是另一個畫面, 有時間不仿等一等. 我們在 Mykonos 住的酒店 (其實是一間大民宿) Eva Hotel 房間外有小露台, 用來曬衫一流 外望見到成個 Mykonos 都係這些細細間白色的小洋房
