yahoo blog 累積瀏覽 831 早上 5.00 morning call. 好似無瞓過一般地起床. 經過昨天1日長途機, 今日又開始長途船程 (現在回想起都有些怕怕). 今日船程5小時, 會途經2個小島. 我地會在第3站才下船. 我們坐右手面的快船 Seajet (size 似足去澳門的 Turbojet) 下船時似足打仗地混亂. 雖然有叫咪通知你到步, 但是他們的英文叫法始終和我們的有很大出入. 如你瞓到朦朦朧朧, 你最好都係每次到站都去問一問職員, 否則落錯船係無人會理你的 (落船很亂, 無人再去 double check 你張飛, 落錯船都係閣下自理). 好彩今程船風浪不大, 但5個小時並不易過. 之前做 research 話船上冷氣幾凍, 於是帶了外套. 但是........我們坐在樓上的最後排, 後面就是出口, 每次上落船時總是門常開, 而且好似 engine 就在船尾. 成程船好似無冷氣之餘, 還 feel 到焗. 我是差不多焗暈了似的瞓了又瞓才到步的. 5小時終於過了, 到達原來是 new port. 成團人一下船就立即上了旅遊車, 向酒店出發 new port 酒店在 Fira 附近, 由酒店步行去 Fira 大約行15分鐘左右. 在酒店 check-in 完, 我們很快地放底行李, 就走入 Fira 行行. 領隊簡單地介紹了各地點分佈後, 終於到了自由時間. 我們太累了, 而且有點餓. 於是第一時間都係搵野食. 來到聖島, 當然想望住個愛琴海食番餐啦. 沿途都有很多縣崖餐廳. 餐廳職員都會很善意地請你入去, 我們入了其中一間, 可惜坐位並未看到縣崖. 我們表示不太適合. 和善的職員都不會黑面, 表情不太介意. 可能希望我們下次再來光顧吧. 之後終於找到了另一間, 景觀是一流的. 我們不太理會餐牌中寫什麼, 只知道食西餐的就入了去. 嘩.............成個頂樓原來只有我們兩小口子. 真的太好了 !! 成個 Fira 盡入眼中 點擊圖片放大 +2 兩小口子瘋了一般不停地影, 都忘記了肚餓這回事 ! 過了一陣, 侍應來問 ready for order 才醒覺仍未點菜. 點擊圖片放大 我們點了 : 燒魚 Sea Bream EUR18.80 意粉 Marinara Spaghetti EUR18.80 (sauce, shrimps, mussels, squid) Fresh Pear juice EUR6.60 Fresh Kiwi juice EUR7.40 Total EUR51.60 味道比想像之中好, 很少有地, 在外國地方食燒魚, 有皮脆肉嫩效果. 可能對住個靚景食野, 普通食物都好似有魔法一樣, 會變得美味 ! 難得有侍應幫忙, 終於有張愛琴海合照了. 講 "check the bill" 原來是很難. 真的有點不捨得走...............原來正門係樓下, 我們比完錢走時才見到另一個正門入口. 所有餐廳都會將佢地獨一無二嘅靚景影出來吸引客人, 有時間可以慢慢地去揀 食飽了, 係時間做下運動. 行行 Fira 山路, 消化一下. 成個 Fira 有點似我們的赤柱, 多數店舖都係賣手信/飾物為主. 當中有平, 有貴. 可惜大部份都熟口熟面地 made in china. 而且價錢並不平, 所以興趣不大. 點擊圖片放大 行完 Fira, 於是決定回酒店梳洗一下, 準備我們 Oia 黃昏之旅. 由 Fira 步行回酒店, 途中會見到幾間似剛剛起好的酒店仔. 外觀不錯. 這間就是我們住2晚的 El Greco Resort, 如果時間可以停留, 真的想住它一年半載 !