大家如果有睇我前幾篇文， 都知我係個香水怪，成日都好中意去搵D唔同既香味。 市面上係有好多好好聞又香水樽外型靚靚既香水品牌，但係香水又真係好個人， 如果個個都用同一種既味道，或者個期大熱，我反而會因為咁唔買佢。 有次去誠品， 見佢居然有香水賣， 立即去聞下啦。聞左幾隻， 然後揀左隻黎噴。 再去第2度,睇下佢可以Keep到幾奈。Turn out可以keep到4個鍾都無問題! 即時係佢關門前10分鐘衡去買左佢XDXD。 未買香水前 ，對100BON零知識。經店員介紹先知係法國首間100%純天然香水工坊 ，而生產既產品都係以有機為主，係100%純天然香水。所以佢既香水唔係清新， 都唔係甜姐兒feel，係法國女人既味道。優雅，女人味，帶啲木香咁，似生活係郊區既女人一樣，不刻意，好順口，與生俱來的自然。 我今次買既，唔係佢既香水系列(因為只可以keep到1-2個鍾)，而係聽個名好似好濃咁既古濃水，約Keep到4-5個鍾。本來就對橙花情有獨鍾既我都係要左 "橙花&苦橙葉香精CONCENTRE NEROLI ET PETIT GRAIN PRINTANIER EDP $490/50ML" 點擊圖片放大 +2 就連外表，都簡約得很，似係「精緻版」既藥樽，但卻好有內涵。 成分: 橙花精油、苦橙葉精油、血橙精油、黃橙精油、檸檬精油 「 一抹柔和花香在心弦奏鳴，細緻橙花共舞苦橙葉的青澀芬芳。」100BON 正如佢既介紹，初期係香濃既燈花香，緊湊既係青澀味。不刻意，但又令人印象深刻。 慢慢細味，味道又多了變化，變得更順口，更貼近心情。 似係輕熟女既體香，本來既嬌艷加上尚存既羞澀，配上滲出來既個性，更屬獨特既女人味。 正值28，已經唔再搵啲甜到漏既味，唔再盲目跟大牌子新潮流既大熱，反而想搵返「自己」，代表著我，令人一聞就會想起我既「味道」! 此產品自購。
