朋友都知道我係乾姬, 用咩都救唔到我啲一乾就痕到上腦既皮膚。 又到了一年一度慶祝痕到跳舞既季節, 為阻止愛情黎臨之前,痕到自我放棄 朋友介紹咦支聽聞係神野既Caudalie全方位多效乾性美肌護理油俾我。 Google左陣資料唔算多而荷包有限就買左支HK$180 50ml試下。 佢個官網講到有幾神,各位自行睇睇: 佢係噴嘴令人唔會倒到成手都係, 咦個值得一贊。 但都令人噴到好忘形, 噴多兩下。 搽臉而言, 佢味道好好, 好舒服既木香, 夜晚我就咁搽油就夠, 冬天再乾啲就唔知啦。搽身面積太大, 好快用完好肉赤, 所以我溝lotion, 但so far都ok既, 至少返工咁多個鐘無跳舞。 除左溝lotion用, 我都會用黎搽頭髮。(官網話可以咪試下囉。) 黎睇下我啲枯燥髮.....自從摩洛哥堅果油放棄左我之後, 我啲頭髮就變左啦 (太貴唔可以成日用...用完又唔捨得買) 流動性好高既油油 搽完枯燥髮有啲生機仔 吹完係好順好滑。不過!!! 我吹完唔會再搽。因為有次因為佢個噴嘴緣故 我噴多左兩野, 然後第二日個頭好似岩岩洗完咁.....Whole day!!! 唔係笠, 而係好似好油咁......真係寜願乾都好過油頭粉面....
