香港cafe愈開愈多,證明香港人係好需要chill 下🤤我自己都唔例外,一放假就好鐘意去影下相食下嘢,前兩日就去左南豐紗廠入面既Between Haru一日之間,我點左伯爵茶Bagel $35 佢有好淡既茶味,口感中等,起碼唔喺死實咬到牙都就快甩果隻🤣個cream呢...我就畽嫌有d太甜,搶左個味.韓式醬蘿蔔鯖魚定食$88 相比下呢,定食就出色得多,有記憶點.講得係韓式當然就唔少得辣醬啦,但放心..又唔會好辣,剛好!蘿蔔煮到好淋,加埋魚好夾,最後食埋個紫薯好似清左個口腔入面既味道,少少甜,份量亦都好足夠. 而環境方便空間感算幾大,因為其中一面係落地玻璃滲到天然光入室內,所以幾舒服,旁邊有d小攞設,雖然位置唔算多,但當日假日3點左右去到都唔使等位,靜靜地醫下肚影下相都係一個唔錯嘅選擇.一日之間荃灣白田壩街45號南豐紗廠1樓103號舖