Welcome Collaborations 產品試用，美食試菜，出席活動，美妝，邀稿 Email: michellee.foodies@gmail.com IG: https://instagram.com/michellee_diary ❤️❤️❤️❤️❤️❤️❤️❤️ 係香港食鐵板燒食得多，係台灣食真係第一次，今次黎到好多人介紹既潼鐵板燒 餐廳環境都唔錯 首先睇睇餐牌，係包括原隻龍蝦呀！ 首先黎到既係忌廉蘑菇湯，配埋鐵板烘既麵包，香脆麵包帶牛油香，磨菇湯既香濃又creamy 第二道菜就係香干貝同生蠔，干貝係台灣朋友對帶子既稱呼，煎香左既帶子及生蠔再加上三文魚籽，魚子醬，最後再加上金箔，令到呢款菜式更加矜貴豪華 首先就係食左帶子同生蠔既原鮮味，帶子鮮甜，生蠔肥美，唔會腥，之後再配埋三文魚籽及魚子醬一齊食，食落味道更有層次，多左層鹹鮮味！ 第三道菜係龍湖石斑配紅燒洋蔥汁及菠菜，先將石斑煎香，再淋上洋蔥汁，個洋蔥汁既洋蔥煮得好腍好入味，連怕食洋蔥既朋友都不經不覺食哂，石斑魚肉外脆內軟，魚肉嫩滑，唔會有魚腥味，抵讚 第四道菜就係鹽煮鮑魚，呢道菜真係抵讚，師傅首先將原隻鮑魚放喺鹽上面煮，令鮑魚唔會直接接觸鐵板，所以口感一d都唔會韌，仲好軟滑，上面再加油日本紫蘇花，令口味冇咁單調，多左一層花香 第五道菜就係龍蝦，分別試左2款煮法，一款係煎，一款係蒸 煎果款龍蝦羔好多膏，首先用匙羹食左d羔先，d膏好香好滑，跟住新食龍蝦肉，先食原味，之後再沾蜜糖芥茉醬，個蜜糖芥茉醬真係好好食，估唔到龍蝦可以配呢個醬一齊食 之後就係蒸龍蝦，精華就緊係蒸完出黎既湯汁，加上蜆肉一齊煮更鮮味，蒸龍蝦加入左少少蔥蒜，同中式煮法有少少相似，龍蝦肉都爽口彈牙 係食下一道菜之前就食返個菜解下膩先，西蘭花，白荀，櫻桃蘿蔔配日式胡麻醬，上面仲加左少少7味粉，辣辣地巿都係幾解膩 最後就係牛肉啦，一款就係美國prime牛小朳配加拿大鴨肝，建議鴨肝及牛肉一齊食，再配以3款唔同調味，鴨肝食落雖然冇鵝肝咁香，但係咁先唔會搶左牛肉個肉味 . 另外一款就係澳洲和牛，同樣配以3款調味，每一款食落去味道都好唔一樣 最後就係甜品啦，鮮果同豆花，為我既午餐劃上完美句號 最後要一提既就係餐廳供應既檸檬果汁，老闆介紹係花連特產，味道的確唔錯，解膩一流！
