眾所周知，要食泰國菜，必到九龍城。九龍城是泰國菜的集中地，想食正宗的泰菜，一定要到此一遊。其中一間叫 Orange Elephant 剛在大角咀這裹開了分店，我們以後食泰菜會方便得多。 今晚同老婆一起去開餐，試試分店的質素。 由於是新開無耐，店內整潔乾淨，裝飾透著淡淡的泰國風情，主題為泰國象。 每枱都有一支水，可自行飲用，唔叫飲品都不怕口渴。 跟總店一樣，都有每日特價菜，今日是飛天通菜 $1 。 飛天通菜 加了辣椒炒，味道惹味，通菜炒得脆綠。 泰式臘腸蝦醬蛋炒飯 $72 臘腸質感跟中國臘腸無異，但味道比較甜，完全唔咸，炒飯爽口及有陣陣蝦醬香味，配埋肉鬆及炒蛋，不會太咸，味道不錯。 黃咖喱牛腩煲 $82 一上枱時即刻嗅到好香的咖喱味，咖喱不辣及帶有椰香，牛腩炆得很腍，但吃得出時雪藏貨，還有薯仔洋葱等配料，可以叫個白飯撈汁。 牛油薄餅8小件 $34 薄餅比較乾身，少少甜味，點咖喱食一流。 醉貓豬頸肉沙律 $72 用生菜包著豬頸肉及洋葱等配料，豬頸肉切得很薄，生菜新鮮脆口，味道比較辣，不似沙律，反而似平時食開的生菜包。 香蒜軟殼蟹 $89 很多炸蒜蓋著兩隻軟殼蟹，軟殼蟹炸得不夠香脆，比較腍，一入口成口油，味道一般。 點擊圖片放大 整體食物質素不俗，跟總店水準不相伯仲，下次想食泰國菜唔使山長水遠去到九龍城啦。
