襯青春去一趟「緬甸」吧！ 一共十日 ，只用陸路踏足緬甸3大城市超過20個寺廟！說真的，呢趟緬甸之旅有夠瘋狂－ 「BNO入境險被遞解返港」「亡命逆線夜巴」 「敏貢河船失蹤流落荒島」「蒲甘爬四層高佛塔睇熱氣球日出」「開天殺價包車上大金石」「50人豬籠皮卡車上山」！返嚟香港一日後，而家回想起好似一場夢，但係一場超冒險嘅夢，好開心係廿幾歲嘅我完成到呢個旅程！ 去緬甸如果唔係跟團，一定一定要做足功課！呢次Plan行程真係唔簡單 雖然去緬甸旅遊唔係新鮮事，但自由行嘅人真係唔多，大部分都係靠睇台灣人的Blog 同外國Backpacker的Vlog！ 仰光3日2夜行程懶人包 *文末有酒店推介，仰光精品酒店 「Hotel G」深受外國人歡迎！ 今次緬甸之旅 兜咗一個圈 踏足4個地方！ 仰光⇒曼德勒⇒蒲甘⇒仰光⇒齋托⇒仰光 必到景點 Pagoda 1. Shwedagon Pagoda (仰光大金寺) 2. Chauk Htat Kyi Pagoda (巧塔吉臥佛寺) 3. Ngar Htat Gyi Pagoda (納達基坐佛寺) 4. Sule Pagoda (白塔 蘇雷塔) 5. Karaweik Hall (緬王暥-Dragon boat) Church 1. Holy Trinity Anglican Church 2. Holy Trinity Catholic Church (St. Mary Church) 3. Immanuel Baptist Church Colonial Building 1. Secretariat 2. Accountant General Building 3. Bogyoke Aung San Market (昂山市場) 4. Myanma Port Authority 5. Rowe & Co (Aya Bank) 6. Strand Hotel 7. Yangon Region Court Train Station Yangon Central Station *****超值得去****** 雖然11月的緬甸相對清涼的季節， 但11點－3點呢個時段 氣溫都高達32度！所以係計劃行程嘅時候會盡量係室內／酒店休息！ Day 0 (15/11/2019) 第一日因為BNO 入境搞咗2個鐘先離開機場，所以去到酒店已經6點幾7點！ 夜晚的仰光街燈好少，所以啲路相當暗，無商店嘅街道可以話係黑，連當地人行路都要用電筒。而且緬甸好流行食「檳榔」，隨處可以見到紅色一灘係地下！ 起初我以為有人不舒服 嘔血／殺雞，原來係食完的「檳榔」！ 當晚用15分鐘由酒店行去 Junction City，簡單參觀下商場每層 同埋去Supermarket （Marketplace）買水同水果！ 比大家參考下價錢： 日本伊甸園 1L 蒸餾水：3800 Kyats （HKD20） 紐西蘭蘋果：500 Kyats ／個 （HKD2.5） Day 1 （16／11／2019） 前一晚好好休息之後，一早起身準備去寺廟參觀！仰光如果唔想比司機劏，一定要下載「Grab」可以睇住地圖個交通狀況，又不怕司機獅子開大口！ 舉例： Hotel G》巧塔吉臥佛寺 Grab 價錢 2700 Kyats 酒店門口司機開價 4000 Kyats 1. Chauk Htat Kyi Pagoda (巧塔吉臥佛寺) 早上十點多的臥佛寺，只有幾架旅遊巴 11月的緬甸還不算旺季 人流不多！ 所以可以好安靜同舒適咁欣賞臥佛，一早已經有不少當地人參拜！ 一進入寺廟的門口，要開始除鞋 赤腳進入寺廟 （緬甸參拜寺廟必須要赤足，男女衣著要留意 裙／褲要及膝，不可以穿着露臍／腰／膊頭的上衣）！ 因此 要準備濕紙巾 同埋著拖鞋比較方便！寺廟門口亦有鞋櫃，如果唔放心可以自備膠袋放鞋。 一進佛寺，立即被全長66.95米、高17.36米的臥佛震驚！絕對係我睇過最大的一座佛像，去之前做足功課！佛像雙眼是緬甸工匠製作的「手工玻璃眼珠」，先前尋遍日本和德國都冇玻璃工廠接單 所以最後只好由本地人接手！製作過程艱辛，幸好呈現到眼前 「栩栩如生的眼神」加上臥佛慈祥的微笑 令佛像整體給人柔和親切的感覺！ 除了玻璃眼珠必睇之外，佛像足底部的千輻輪相刻咗108格圖騰，代表眾生流轉三界的輪迴世界！ 旁邊還有唔少工匠繪畫和雕刻立體畫像！ 除咗大金寺外，巧塔吉臥佛寺係我嘅 NO2 必睇！ 2. Ngar Htat Gyi Pagoda (納達基坐佛寺) 坐佛寺正正就係巧塔吉臥佛寺對面，但Google Map 欺騙咗我 係醫院後面兜咗一個大圈，不過正正因為咁 誤打誤撞經過一條依著「污渠」而生的小村落！ 小村落衛生情況真的比較差，每家每戶只係住係用木搭成的屋！每間屋都無開燈，但小村自給自足 有不少人係屋企前面擺檔－有士多有賣菜有賣海鮮 ！！！ 如果想睇下當地人生活，可以繞路到醫院後面的路，大約走15分鐘到坐佛寺！ 坐佛寺人流同臥佛寺正正相反，無旅遊巴無車 基本上可以話無人！ 行上斜坡到門口，呢度的保安好友善 會拎凳比你坐住除鞋，雖然言語不通 但可以用微笑溝通 緬甸人大部份都好純樸！ 坐佛大小雖然沒有臥佛那麼震撼，但相比其他佛像來說很有規模！坐佛大約有5層樓高，所以又稱「五層佛像」。雖然只有寥寥數人，以本地人居多 跪在佛像前虔誠參拜！ 佛像面像不似臥佛面帶笑容，身披金甲 更顯威勢！ 3. Junction City 仰光市中心商場 （新昂山市場） 在滿佈佛寺和殖民時期遺漏下殘破建築物中，有一時尚新式商場 也許呢個商場係各國國家係隨處可見，但對於緬甸呢個城市 係一個少女一樣 又新鮮又青春！作為旅客嘅我 都非常有新鮮感！新舊昂山市場以天橋相通！ Junction City 建於2017年，開業兩年多有戲院，大型超市，國際品牌，最高層有大型Food Court！有唔少連鎖品牌，KFC／一風堂等！Food Court 都照顧到唔同旅客需要 中／日／韓／泰／緬。 地下正門一入 全層都係國際名牌 Prada／Coach，發現緬甸人非常喜歡Coach！地下中庭位置有3層樓高的瀑布，下面的座椅 坐滿當地人，炎熱的天氣 商場成為佢哋日常休息地方！ 4. Holy Trinity Anglican Church 紅紅的外牆，白色的尖塔！ 5. Shwedagon Pagoda (仰光大金寺) 「仰光大金寺」今趟旅程的重點，無論有陽光的早上／有繁星的黑夜 大金寺各有特色，所以選擇黃昏時段參觀最完美！由北門進入，的士進入寺廟要比200Kyats！落車之後有唔少旅遊團客排隊，先除鞋 再入內買票！ 門票價格：$10000Kyats （HKD52）包一支樽裝水 買票情況有點混亂，職員會比門票同貼貼紙係你身上！ 然後通過閘門 和 安檢，然後順利進入！大堂有四部電梯，直達上層寺廟，省略係正門行幾百級樓梯。 行過天橋 見到大金寺本尊 果然不枉此行。陸陸續續 不斷有本地善信同世界各地的旅行團參觀，本地人會係電梯口買一串白色的花 參拜。 準時6點，仰光大金寺各處會亮燈。入夜後 人數越來越多，年輕如我還以為早上時間人流較多！原來入夜先係參拜的好時機！ 點擊圖片放大 +2
