黎到西環又想食下d甜野，就醒起之前ig見過有半糖主義。西環中式選擇比較多，呢到就中西式都有，可以滿足一班人左揀右揀的慾望。 見到佢有宜家風靡一時的梳乎厘pancake，二話不說即刻叫一個當然。宜家咁多日本連鎖進駐香港，小店要突圍而出都並非易事，等我一探究竟 士多啤梨梳乎厘pancake $65 *留意此pancake提供時間由3點至7點，想食的朋友要早d到* 梳乎厘很大碟，很足料，有3塊。有別於其他日文品牌，佢上枱後未有即時縮水!切落去比較扎實，比較像蛋糕，配以士多啤梨醬，酸酸甜甜，一口接一口! 熱玫瑰洛神花草莓茶 $32 上枱發現係一壺上，而且足夠4至5人，每人飲一杯。茶底絕不馬夫，用上2個茶包，都有玫瑰花瓣和士多啤梨去增添佢的味道，包你一口接一口的喝下去! 伯爵茶燉奶 $50 伯爵茶燉奶，怕甜的朋友可以一試，以微糖製作，甜度適中，充滿濃濃的伯爵茶味!一啖玫瑰花茶加一啖燉奶，比滿滿的花香充斥著口腔，不覺甜膩!
