好耐無黎銅鑼灣，今日朋友話想食呢間忌廉咖哩烏冬，就行左黎聰嫂呢邊搵食! 好日都唔見，一見就食d重口野。上到去發現係韓國野黎，我本身以為係日本 哈哈 去到只有半邊比人坐左，每人枱上都有個石爐比人煮吉列牛，但朋友不吃牛，所以就無叫了。但要注意，呢到空氣不太流通，燒烤味重。 咖哩忌廉雞烏冬 $78 一心黎試，上枱見到有咁多cream有d怕膩，點知出乎預料的配合得好好同咖哩。每條烏冬都掛上醬汁，微辣加d cream的味一齊，味蕾受到沖擊!如果可以再辣一點就更好麵質方面，爽口彈牙，樣貌似普通烏冬，食落似稻庭烏冬，讚! 南瓜薯餅 $38 本來想叫咸蛋薯條!可惜今日售罄 轉叫本來都想食的南瓜薯餅 $38 兩塊切四件 起初覺得都幾貴 但同友人食左一啖兩個人互望 yum~ 超值 南瓜比例超多 咬落扎實 南瓜蓉打得幼滑帶點南瓜皮和碎粒 多種口感 !必點之選! 枝豆 $32 每次去日本居酒屋必點枝豆，估唔到呢到都有上枱熱辣辣，用適當鹽調味，枝豆粒粒飽滿，咬落爽口，有杯啤酒就完美! 韓式甜辣單骨雞翼$65 甜度適中，食落後勁帶出淡淡辣味，單骨雞翼很貼心，啖啖肉 秘製蛋卷$68 芝士蛋捲 每次食韓國野必叫 做得好吃都不簡單 蛋捲入面包著流心芝士 入口鬆軟 芝士岩岩好不會太膩 特別大讚灑在面層的木魚飯素 令味道更豐富 !!另外配有Wasabi 蛋黃醬 微微攻鼻又另一番風味
