馬六 | ＃西環 星期三一個星期最難捱嘅一日，當然要好好慰勞自己。 聽同事講，西寶城附近開咗間新嘅馬來西亞餐廳，今日收工同男朋友試下！ 地點好方便，香港大學站B2向前行過馬路就見到大大個招牌。 店舖好大，有唔少2－4人卡位 同埋5－6人嘅大枱都有，啱晒一大班朋友敍餐。 餐廳設計主要以木為主調，燈光光猛 比人舒服嘅感覺。 姐姐都好友善，比人客自己揀想坐嘅位置。 餐檯設計有啲似茶餐廳， 係枱邊拉開有晒餐具，水就自己係出面拎。 雖然話馬六，但餐廳提供馬来西亞，新加坡等美食。 主菜有招牌每台必點嘅新加坡喇沙，海南雞飯 等等， 小食方面都唔小選擇 ，有選擇困難嘅朋友 可以揀拼盤。 一睇價錢， 有啲嚇親 因為小食都係32元起，好抵食 連茶餐廳都做唔到呢個價！ 難怪好多街坊幫襯。 0 新加坡叻沙摻摻 $68 同事介紹必點， 佢再三叮囑我一定要叫 ！不過本來中意麵嘅我又點會唔食呀， 見佢咁肉緊我嘅期望幾高！ 不竟以前係新加坡公司做，都食過正宗嘅喇沙！ 首先係摻摻（油麵 + 米粉） ，已經加分 再試湯頭 有蝦殼鮮味 再有惹味芳郁的香料，滲出陣陣椰醬香甜及辣勁！ 唔食得辣嘅朋友要注意後勁都幾辣，而且姐姐話湯頭已經調配好，無得少辣／走辣！ 配料份量十足，蝦爽彈，豆卜分量啱啱好 唔會太硬 索晒湯底， 正！ 魚蛋同魚片鮮甜 彈牙！ 食完唔會好口渴！ 馬來燒豬頸肉 $56 豬頸肉又係我嘅飛佛，賣相不錯 上枱時已經聞到香味！ 雖然無泰式咁燒燶邊， 但咬落爽嫩有肉汁，配搭酸梅醬 解膩 ！！ 馬拉盞炒通菜 $36 相當實惠嘅炒菜，平時阿媽話係街叫炒菜最唔抵！我想同阿媽講，呢度好平呀喂！ 平時有啲餐廳都炒得好辣好咸， 問姐姐可唔可以少辣， 佢幫我哋落咗少醬！炒出嚟啱啱好， 調味適中又食到馬拉盞醬嘅鮮味！ 價錢平，但份量好足！ 0 0 0
