想食幸福pancake好耐，但成日唔捨得比咁多錢食空氣咁!今日就難得破例，食一次啦! 朋友一早就去實地視察環境，皆因見到好多人話要排好耐。男朋友去到見到龍尾去到廁所個邊，心知不秒，一定排返3 5 7個鐘。但想食ge心不滅，決定繼續排。情況未有想象中惡劣，算排得好快。排左1個鐘多d，終於比人安排位置。 pancake 選擇有咸有甜 0 *留意每人最底消費一份甜點或一杯飲品* 食甜野又會想食咸野，所以我地就叫左個香蕉朱古力pancake 同全麥pancake配芝士磨菇奄列 香蕉朱古力pancake $123 評分 9/10 上枱見到pancake好鬆軟，又厚。比起其他食店，佢無咁快謝。影左好耐相都仲好延身。香蕉1條，cream 的份量都無手軟。朱古力係自己加上去，怕甜ge朋友可以落少d 見到賣相都食指大動:)急不及待先嘗一口。pancake有蛋香，唔會好似其他空氣咁，一入口就溶，反而顯出佢用料實在。配上香蕉加cream 真係一流。cream不會太肥膩，好怕d cream 又甜又唔滑。呢到係會每啖都要一齊食 全麥pancake配芝士磨菇奄列 $118 評分8/10 上枱發現仲有沙律菜值得一讚。食完甜食咸，有清新的感覺。沙律上有蒜醋汁，酸酸辣辣，十分惹味 !!! 全麥pancake真係第一次食，食落咸咸甜甜。未食過的朋友可以一試。加左麥的pancake相對無咁滑，但食到入面有粒粒麥粒。美中不足是蕃茄汁可以多少少，咁就可以每啖都有蕃茄汁一齊食。 0
