柬埔寨 一 這個曾經對我來說神秘又陌生嘅國度，2018 在沒有計劃之下衝動買下機票去探險。 買機票過後跟友人提起柬之行，佢哋不約而同都說 [ 嘩！好危險喎! ] 又或者 [ 聽人講個邊冇嘢食架，你最好帶多啲杯麵過去! ] 普遍人 甚至睇緊呢篇遊記嘅你可能都係有呢種想法。但小編我係一個有諗法嘅人，所以落實要去柬之後就開始做Research啦！ 以下落嚟我會介紹幾個相當有用的網站，其中一個更加發展埋LocalTour生意。 1. Tripadvisor Tripadvisor 又稱貓途鷹。如果你對一個地方嘅景點完全無概念，個人認為這個網站可以比你一個好brief嘅介紹。同時，佢哋會推介最好最高評分的景點，美食，酒店。 另外，我最喜歡有遊客嘅真實評論 分享好玩好食，而且有圖有真相。 (Source: https://www.tripadvisor.com.hk/Tourism-g297390-Siem_Reap_Siem_Reap_Province-Vacations.html) 2. Lonely Planet LonelyPlanet ，孤獨的星球 但睇這個網站的時候就一點也不獨單！他們會定期推出不同嘅文章介紹世界各地景點，還有旅遊靈感專頁。 我最中意睇主題旅遊文章， 近期好文章推介 例如 10 of the world's most amazing train journeys。 除此之外，網站內嘅相片可以大飽眼福。每個國家每個城市，Lonelyplanet 都有一個句子去形容這個地方。我非常同意形容暹粒的這句話，的而且確我去過的國家之中沒有一個令我覺得同古代咁相近。 (Source: https://www.lonelyplanet.com/cambodia/siem-reap) 3. Mr Angkor 這個網站嘅主人曾經是一個流浪者到暹粒旅遊被高棉文化吸引，然後到當地居住一年。由淺至深分享這個神秘國度，我在這個網站學懂高棉文化和歷史，正好可以幫助我補課。 StopAsia 是 網主與兩個朋友一起開發的平台，帶領大家體驗高棉的生活與文化之餘。同時，他們在當地自組車隊，幫旅客提供高品質且價格便宜的司機。而我一口氣在StopAsia訂了3天吳哥窟當地遊，包括小圈，大圈和外圈。想知道我嘅體驗過程和感想，記得睇下一篇遊記。 (Source: https://www.mr-angkor.com/)
