每次跟朋友媽媽談及小朋友的作息時間,每每大家都用驚訝目光回應我。對!我的小朋友上床時間是 8點!朋友媽媽們都等著我有何育兒偉倫發表,例如: 早睡早起對大腦發育好 、專注力較好、情緒穩定…………blablaaaa 對於新識嘅朋友仔我都會用呢啲答案😂😂但係其實我心裏面嘅聲音就係, 唔使收工咩?! 做媽媽都要收工㗎!.每日我早上起身,先準備迎接媽媽店既開店準備,每一日我都有固定嘅兩位客人。年紀大一點叫J 先生,年紀比較小叫臻先生 。我有一個兼職助手s先生,通常佢返二放一。叮叮叮,第一位客原來係 J先生。 已經係 5年嘅熟客仔, 我 奉上一包朱古力奶, 客人滿意一笑。噢! 呢個時候第二位客人已經來臨, 我立刻就畀一包士多啤梨奶佢, 佢即刻報以我滿意嘅笑容。呢兩位熟客通常會享用媽媽店嘅 一日三餐餐飲服務、 打掃服務、 功課指導服務、 沖涼指導服務、 梳洗指導服務 和經常使用的抱抱服務。。呢兩位客人都不同的西客特徵,例如明明 order 左飯又無啦啦要食面去廁所唔記得沖廁玩完玩具不歸位使用功課指導服務不合作Blablabla, 不能盡錄。相信各位媽媽店店主都明白各店嘅難處同挑戰😅😅睇一睇電話,噢!晚上 7點喇!心入面亢奮起來,yeah! 就黎收工喇!我要努力快速完成工作!我唔要 OT丫😖😖😖我要煲劇丫😫😫opaaa!你等等我丫😍快速講故事!熄燈!上床!7點 45分!通常臻先生都會不敵睡魔先睡,而 J先生就總有滔滔不絕嘅偉論要發表🙄呢個時間要用絕招,就係不作任何回應😂J先生 發現沒有觀眾無奈地睡著了。8點後,媽媽終於可以變回自己,做自己想做的事。完