點擊圖片放大 +8 這間泰國打卡餐廳Lady Nara 係尖沙咀海港城正式開業後，一直未有機會去，今日終於book到！Lady Nara 主打Fusion美食 ，加上泰國元素，好啱香港人口味。裝修以粉紅色為主，椅子配以泰國製孔雀藤椅設計，加上綠色天然植物，氣氛悠閒輕鬆，真係好有度假feel。鄰近窗邊位置係可以欣賞維港海景💯梗係吸引到好多少女OL群組，IG打卡愛好者必去!!黃咖哩炸軟殼蟹 $198 + 印度薄餅 $35 👍🏻黃咖哩既汁係有少少濟，但炸軟殼蟹都炸得脆而且入味。我覺得沾埋黃咖哩汁都好夾。 我哋可以另外加$35薄餅，薄餅非常鬆脆，沾啲咖哩汁，其實都好夾，但如果啲汁濃味少少更佳。花膠海鮮冬陰功 $228冬陰功湯係好足料，有花膠,青口,大蝦 ,帶子，非常豐富，湯辣中帶酸，酸中帶甜，味道剛剛好，好好飲。泰式生蝦 $138新鮮爽口，沾埋嗰酸辣汁簡直一流💕香脆蝦餅 $58炸到好脆口，口感彈牙，沾埋嗰汁好惹味。燒豬頸肉配青木瓜沙律 $128燒豬頸肉啲肉有啲唔夠腍，但嗰汁就加分。鮮椰子沙冰$55炎炎夏日﹐點呢個好解渴，好好飲。椰青$48好清甜好好味。Lady Nara尖沙咀廣東道3-27號海港城港威商場3樓3303號舖電話號碼21533730最後落單時間: 9:00pmFollow Mango's Channel Youtube: https://www.youtube.com/channel/UCkVoE-1olCma88cRnBxPSbQ?appFacebook: Mango's channel Instagram: @mangoschannel@blog.ulifestyle@ublog.hk
