貓姑係超鍾意去按摩嘅，喺香港間唔中會去下九龍城啲泰式按摩，首推曼谷站！正宗泰式價錢合理接受男客，可以同飯生一齊一間房按。 每次去泰國，當然唔好放過啲平靚正按摩同spa啦，如果行程就到基本上想每日都按一次添啊！(最好每次兩個鐘身一個鐘腳添啦～) 平 時喺曼谷，都係去開 Health Land 或者 Body Tune。今次成班人去，試咗去Sukhumvit 26, K Village 附近嘅湯之森温泉！淨係個名都夠哂日式，去到基本上成個就係和風旅館嘅環境裝修，再加上有唔少日本人幫襯，身邊間唔時都係聽到日文，成個感覺都真係好似去 咗日本咁啊 換 咗拖鞋後，就會俾浴衣同底底你入去更衣室喇。更衣室入去就係冲身地方，再入就係温泉區喇。全部都係室內的，落雨都唔洗驚會冇得浸或者啲泉水撈埋啲雨水㗎 。我地冇預太多時間，所以浸咗10分鐘到就換返浴衣，去返lobby等入房按摩喇。(個人認為浸温泉衣part真係非必要，但如果揀泰式按摩，就 當俾多幾十蚊去冲個涼先按，因為唔浸温泉係冇得入淋浴間的呢。。。) 今 次揀咗 120 mins aroma therapy，aroma房可以揀有淋浴設備嘅，啱哂冇浸温泉，或者推完油唔鍾意全個人肥淋淋嘅人。(但其實按摩姨姨係強烈反對冲身的，話按摩油吸收對 皮膚好喎！）講返按嗰part先，一個字，爽！就係按下推下按下推下十零分鐘就已經舒服到瞓着發埋夢，阿飯生又係冇幾耐就瞓着咗仲俾自己啲鼻鼾聲叫醒咗跟 住又再瞓返咁囉。兩個鐘話咁快就過去，按完全個人巧輕鬆，巧舒服啊，又一條巧漢可以繼續行繼續玩喇～ Yunomori Onsen & Spa Bangkok: Opening hours: 0900-0000 http://www.yunomorionsen.com/2015/bangkok/ ======================================================================= 快啲黎Like埋我個Facebook啦 https://www.facebook.com/melgugotravel
