7月16日： 喺華欣返黎嘅幾個鐘車程，大家都瞓到不醒人事，感覺好快就返到曼谷喇。 去咗酒店check in先啦，衣晚住喺siam嘅 Lit Residence. 衣間酒店位置方便，行3分鐘就到bts national stadium。仲有 2 bedroom 同 3 bedroom選擇，啱哂一班人去。 Lit Residence 嘅網頁： http://www.litbangkok.com/residence 擺低行李洗個面就去食嘢先啦。終於試到船麵街嘅船麵喇，好好味好開心啊！詳情可以睇我另一個post哦～ 食 飽就過咗去 asiatique行。衣度行係舒服嘅，賣啲嘢都始終啱心水啲。最主要呢，衣度有 draft嘅hoegaarten rose啊～喺香港未有嗰時，我地真係每次黎都喪飲（最癲嗰次試個每人三杯），每次都係去 Fire and Dine。最鍾意叫佢隻燒雞，加碟意粉或者pad thai,再加吓啲小食。又有live band又有wifi，坐下食下飲下講下笑下，旅行嘅意義咪就係咁之嘛～ 行完買完飲完喇，跟住梗係又輪到食啦～黎曼谷食咖哩蟹，識食一定食建興！啲咖哩汁真係超正，淨係撈汁都食咗成碗飯。生蝦又係正，又大隻又鮮甜又彈牙！另外粉絲蝦煲，鐵板蠔都好惹味。最麻麻係炸魚，又乾又唔滑，嘥咗條魚啊。。。 連續飲飲食食幾個鐘，一去旅行就爆seed嘅兩公婆繼續將瘋癲嘅吃貨本領發揚光大（又食？！！）哇哈哈～我地去揾老相好食返個冰先啦～after you個多士同冰冰真係食過一次就返唔到轉頭！今次仲要有芒果糯米飯冰！點啫～香港幾時可以開返間啫～～～ 我又有特登寫另一個post講我有幾愛佢～ 7月17日： 黎得曼谷，不外乎食，買，同按摩。今日嘅行程，就係咁喇。完～多謝各位～（妖！想點啊！懶人包都唔係省略到咁啊！） 好的。今日一早首先係去咗都算新新地嘅文青地標The Commons。話係一早，其實都12點零啦～搭的士去，司機哥哥都唔係好識喺邊，最後喺附近落咗自己跟google揾，喺一條唔似有棟咁嘅嘢嘅橫街中間到達咗。 餓 鬼們基本上行都冇行，直接目標清晰地好快咁就喺Roast坐低咗～個menu啲嘢食樣樣都好吸引啊，最後我地決定自己揀樣main,再叫多幾個小食開心些 牙。我揀咗海鮮墨汁闊條麵, 飯生就要咗個海鮮risotto，兩個個汁都好濃好好味啊，個pasta就感覺淋咗啲，同al dente唔係朋友。但係整體都很不錯啊！唔講咁多喇，有圖有真相，不解釋 食完就去咗Emporium hea咗陣(其實係純粹揾個有冷氣又方便去下一站嘅地方等啱啱食完嘅嘢落格~)喺頂層個supermarket度兜咗個圈，喺個檔仔度竟然有沖繩海葡萄賣喎！喺香港都未見過好似魚缸咁養住咁賣啊～ 行 咗陣就去今日嘅重頭戲：湯之森温泉！衣個spa地方完全令我地有置身日本嘅感覺。一入去唔係聽到沙話啲卡，而係二啦沙衣媽些（絕對唔係港式hea底 234！！）confirm好package就有人帶你去換屐仔，跟手入更衣室俾埋套浴衣你換，男女都有㗎！環境服務清潔抵玩度全部5粒星 ***** 誠意推介 詳情可以睇我另一個post哦～ Relax完即係落哂格，直頭係肚餓添啦～由湯之森沿路行去北海道原始燒，10分鐘唔洗就到！ 又黎二啦沙衣媽些～實行將全日和風指數推爆佢～餓鬼們狂風掃蕩式點咗勁多嘢食，多到叫咗幾份炸雞都唔知 hahaha推介燒蟹腳生牛肉同喺大parmasen度即撈嘅鐵板意粉，巧味！ 北海道原始燒面書專頁： https://www.facebook.com/genshiyaki26 食完去火車夜市行咗陣，喜歡佢「屋頂」天台酒吧嘅氛圍～買就冇咩買，都係至在行下消化下～行咗一個鐘到就返去酒店lu~ 7月18日： 話咁快就到咗旅程嘅最後一日喇。今日我地真係分秒必爭，務求食得就食，揼得就揼，買得就買！（一個充滿決心嘅樣！！） 起 身執埋個喼11點幾就checkout。早餐食乜好？識食就食水門雞飯啦～通常都係去返粉紅衫，冇位又趕時間先去綠色衫～今次我地好好彩，一去到就有位 喇，一坐低例牌：三碟雞飯唔該～～～（份量唔係好大㗎啫，兩個人三碟真係唔過份吖～）個湯好快就到，飯呢，就要睇下幫你落單個姐姐落唔落力幫你搶喇～試過 有次等成三個字，係咁見住遲過我地落單嘅人都有得食，係我地嗰枱仲係得碗湯。。。。雞飯有幾好味真係相信唔洗再點多講，幾十匹一碟，真係好味過香港嗰啲幾 十蚊一碟多多聲～ 食 完雞飯我地首先去咗big c掃返啲手信，跟住再去對面central world 超市嘅dhara dhevi 買macaron。自從喺清邁遇上佢又知道佢曼谷都有分店之後，喺香港基本上就冇再買過macaron，直接將所有quota留返哂俾佢（咪睇佢細細粒， 一粒糖份多到死，食幾粒就超哂錶肥死㗎喇！） 每 日款式同數量限定供應，冇貨嘅就會喺menu用label遮住。今次竟然買到白松露味啊～一食落口真係要轉住圈咁高呼好好味啊～～～比黑松露個味清啲，又 唔甜，真係一口一口食咗幾粒都唔覺漏啊！平時最瘋癲就係買佢個黑松露味，絕對唔係渣流灘，唔係漏煤氣或者松露油或者醬味，係真係一粒粒刨出黎嗰啲味㗎！鍾 意黑松露嘅實會愛上佢！另外仲有泰國茶味同芒果糯米飯味，都係值得推介同每次必掃嘅～ 價錢每粒30-60baht，絕對係性價比超高！可以喺daiso買定個冰袋，臨出機場之前黎掃啲返香港啊～除左central world, siam paragon 地下超市都有分店哦～ 極 速喺半個鐘內買完嘢，就打的去按摩喇！今次冇去health land，去咗有間之前喺布吉回味無窮嘅Siladon Spa Bangkok分店。由central world打的10分鐘就到，喺一條巷仔嘅盡頭度。（同布吉分店嘅無敵海景view同規模係有分別，但係服務同環境其實都ok嘅）最重要係，同布吉分店一 樣，spa package BUY ONE GET ONE FREE！ 由於時間關係，我地只係揀咗兩小時aroma oil massage + foot reflexology。最鍾意佢係瞓喺度按腳，感覺同坐喺度係爭！好！遠！舒服好！多！雖然係推油，但係佢臨尾都會加返啲泰式鬆筋骨動作俾你，正啊～ Siladon Spa website: http://www.siladonspabangkok.com/ 揼完骨除咗爽之外，仲有咩感覺？嗯。。。肚餓喇，又（！）可以去揾嘢食囉～哈哈哈哈～我地沿路行返出去bts站方向，果然俾我地遇到河粉店啊～太感動喇～每人一碗魚蛋粉加辣椒粉～爽上加爽！ 跟住行前多個街口，又有檔典型嘅粉檔，仲要見到啲人係食緊深啡色湯底嘅船麵喎！嘩！即刻坐低要返碗先啦！（10分鐘內食第二碗，真係臨尾要chur到咁？！）碗粉黎到喇。。。但個湯唔係啡色嘅。。。？！anyway～好味啊都～同埋唔知點解檔仔真係好味過舖仔～ 食 完買完鬆完又再食完又食，滿足嘅飯氏夫婦就去返siam join返朋友仔喇。諗住臨尾encore多次after you（又。。。又諗住食？！你兩個已經每人食咗碟半雞飯同兩碗粉㗎喇喎！）可惜要等一個鐘先有枱，咁就唯有下次再食喇...而我地都要返酒店，攞返行李返 香港喇。。。 旅程嘅最後一幕，就由大家喺機場嘅mango tree度食pad thai咖哩雞飯同埋喺手信店買一盒盒船麵結束～（係啊又食啊～吃貨去旅行係咁㗎啦～） 返到香港，巧遇李小龍展。身為徒孫嘅飯生當然即刻影影影啦 ============================================================================= 快啲黎Like埋我個Facebook啦 https://www.facebook.com/melgugotravel
