7月13日: 搭香港航空，21:45機，遲咗起飛，但係準時到達。hkairline唔係廉航黎㗎，有毛氈，電視機仔，飲嘢，同每人派咗個腸仔包。 00:00 到達曼谷國際機場。首先去咗排隊買sim咭先。一過禁區就有dtac同AIS, 朋友話兩間其實都差唔多，所以我地純粹揀咗少人排啲嘅AIS。 299baht玩7日，首1.5gb data 4g冇限速,仲包100baht call credit。買咭要passport登記，同俾埋部電話佢幫你開埋咭，所以每個客都坐底攪10分8分鐘，條龍永遠都係一堆人喺度排。 買完咭就去check in喇。今晚住喺好近機場嘅Vismaya。有酒店shuttle,說好的免費車到埗後變成每位80baht，自己搭的士去可能會平啲哩～ 雙人房一晚200蚊，平到hihi！張床都ok好瞓的。要喺機場附近留一晚，衣間酒店絕對揀得過！ Vismaya 網頁: http://www.thevismaya.com/ 7月14日： 一 早預約嘅van, 準時9點鐘就喺酒店等我地出發喇。我地一行12人，所以book咗兩架10人van（要預埋位擺行李！）本身第一站先去酒店附近嘅tesco補充黎緊兩日 嘅物資。點知司機話近嗰間係迷你超市，大型嘅要兜好遠唔順路，所以最終放棄了，起程出發去咗華欣先！ 架車大約行咗個零鐘，就喺個有幾間賣嘢食嘅檔仔同有間mini big c嘅地方俾我地落車行下。未食早餐嘅我地，9秒9就隊咗幾串豬肉丸落肚，仲有體貼嘅杯裝椰青水！跟住就繼續上路喇。 又 瞓多個零鐘，就到咗我地嘅中途站：華欣懷舊市場。地方唔算好大，大約有五六十間舖仔。有啲賣衫，賣眼鏡，蚊怕水，玩具咁。賣嘅嘢唔算好特別好懷舊，但個場 影下相咁都ok嘅。我地揀咗門口附近嘅cafe黎個quick lunch,個個都謀住碟pad thai～我自己覺得唔夠酸唔夠辣～不過飲嘢ok好飲！ 食飽又再起行。下一站去距離villa唔遠嘅大型超市makro掃貨。第一小隊負責買黎緊兩日嘅早餐，第二小隊買夜晚燒嘢食嘅丸肉菜麵包，第三小隊買零食飲嘢杯麵調味料。一番狂風掃蕩後，12條友嘅物資塞爆咗兩架車仔，張單有半個人咁長（都唔係好過份啫～） 跟住就去我地間超級無敵大villa喇。 Villa 詳情可以睇我另一個post哦 成班人吹下水玩下啤牌beer pong stack cup燒下嘢食飲下象啤又浸下落泳池咁就過咗一晚喇～ 7月15日： 一起身就完美上演美女廚房，幾個女子夾手夾腳整早餐！滑溜溜炒蛋，仲有煙肉腸仔雞扒粟米仔翠肉瓜同pancake，LoVe iT Book咗晏晝三點去做spa,揾villa嘅管家幫我地揾咗架15人van，食完嘢就出發了。 揀 咗去新開嘅 Refresh Spa，新開期間限定，所有package 半價！我地揀咗 Leisurely，有60mins foot massage + 30mins body scrub + 30mins body mask+ 30mins back and shoulder + 90mins aroma therapy。原價 5180baht + tax，而家半價，折咗大約六百幾蚊港紙，玩足4個鐘係抵玩嘅。但如果同之前喺布吉或者曼谷嘅比較，佢真係冇咩特別，亦唔係太舒服 Anyway，玩完幾個鐘，12隻恐龍又肚餓喇，一於去Cicada night market“野餐”！衣個夜市係新式啲嘅，連嘢食檔都係好似大型food court咁嘅形式，要買飛仔黎俾錢，唔收現金的！每條飛100baht,每格仔唔同面額。 我 地初初每人一條，諗住鬥睇下邊個買到最多平靚正返黎。點知第一小隊唔夠兩分鐘就返黎，唔夠錢喇!!平均都要80-120匹一樣嘢，湯粉就60匹到，嘢 飲50匹到。最後係咁買飛仔，乜都買啲返黎，咖喱啊串燒啊炸雞翼啊冬陰公啊船麵啊banana roti啊。。。wooohoooo好飽啊食到！ 食飽又行下個夜市啦，衣度係有啲文藝氣色嘅，有唔少自家品牌或者即場畫畫畫衫畫身咁～仲有個廣場位，我地衣晚就有music show,都有唔少人買杯嘢飲坐喺度聽啊 行完9點幾我地就返villa繼續hea喇 7月16日： 美女廚房續集，一朝清埋雪櫃嘅剩餘物資。衣個早餐犀利喇，連羊架都有。早一晚飲完酒，一早見到佢真係，好！很！漏！ 12:00就出發返曼谷喇。華欣see youuuuu下次再黎喇 華 欣〈－〉曼谷點都要三個鐘車程，自己包車去梗係最舒服最方便啦。但係如果想慳返啲又唔介意同其他人一齊搭，係可以試下搭minivan嘅。曼谷上落車地點 都喺victory monument附近，位位180匹，好似香港啲紅van咁上爆就開車，有喼嘅就要買多一個人位錢（而坐得舒唔舒服就要睇下你好冇彩，架車啲人多唔多行李 喇！坐窗邊位就perfectly fine,路口位如果通道塞爆行李又多人上落，係一千個唔舒服的！）計埋等開車同中途上落客，全程唔洗4個鐘。華欣就喺近火車站落，所以一般都要再轉的士 去酒店。如果兩個人，條數同包車就差幾百蚊，咁我就會坐minivan。但有4個人以上一齊去嘅話，包車就理想啲喇，起碼可以點到點，唔洗落車再揾的士 吖～ ========================================================================= 快啲黎Like埋我個Facebook啦 https://www.facebook.com/melgugotravel
