分享: 以前日見夜見嘅同學仔朋友仔，出咗黎做嘢之後，連約出黎食飯都唔容易。今次難得同成班好姊妹一齊去玩，梗係要揾間villa玩盡佢啦！ 衣間villa都係喺airbnb度揾嘅。樓高三層，一共有6間房(有啲房係兩張單人床，有啲係雙人床，有間日本風嘅tatami )。洗手間有7個，朝早都唔洗驚要爭廁所。(要排隊用嘅反而係風筒，得兩個咋夾埋！)有間遊戲室有美式桌球枱，大廳有乒乓波枱，最誇張的是，有私！人！ 影！院！(可以自己帶dvd去睇啊！)連埋outdoor嘅玩樂設施（有彈床！)，20米連跳板泳池同飲嘢吹水hea位，總面積加埋成二萬五千尺！！！玩 卜喱喱簡直係perfecto! 一睇間villa介紹，唔多唔小都俾佢個無敵靚景大泳池吸引。事實個pool真係不負所望，大家一有時間都落去浸下浮下hea下，喺三十幾度嘅環境 下真係特別爽啊！唯一美中不足係水上飄嘅浮板得兩塊，水泡浮條浮床沙灘波水槍欠捧，加上有一半泳池深1.4m以上，同水唔太熟嘅朋友只可以留喺淺水嗰邊喇 (同小朋友去嘅babamama都要注意啊！) Villa裏面有幾位管家，佢地唔單止幫你執頭執尾，洗碗清潔，仲可以幫你煮埋嘢食！我地第一晚去到，預先同咗屋主講我地想燒嘢食。我地首先喺由曼 谷去華欣嘅途中，stop-by喺間大嘅supermarket度掃貨。買咗bbq嘅肉類，丸類，串燒，素菜同麵包先，加埋衣兩日嘅早餐飲品零食同宵夜。 剩餘嘅海鮮同椰青就交俾管家幫我地去買。到燒嘢食嗰時，管家會自動波開始燒，燒到咁上下，佢就會煮埋我地啲special menu。我地加咗冬陰公，pad thai，青咖哩，炸春卷，larb，炒通菜，炒飯。味道不過不失，只係我地眼闊肚窄啫。 到第二日我地出返華欣中心地區，管家都可以幫手安排車接送。朝10晚9仲可以安排上門按摩服務，都係500baht一個鍾。服務真係拍得住啲連鎖品牌酒店㗎！ 整體黎講，我地十幾個人全部都對間villa好滿意。可惜只係住得兩晚就出返曼谷，有啲唔夠喉呢～ Villa @ airbnb 嘅 link: 絕對係良心屋主，圖片同描述經貓姑引證後絕對相乎 https://airbnb.com/rooms/4987947?s=41&user_id=13174224&ref_device_id=91967f934988c74b51f5ead3111719b0ca46336b ================================================================== 快啲黎Like埋我個Facebook啦 https://www.facebook.com/melgugotravel
